સાલમ પાક માટે પહોળું અને જાડા તળિયા વાળું વાસણ લેવું. કેમ કે એને સતત હલાવતા રેહવું જરૂરી છે. પેહલા આપડે બધી તૈયારી કરી લેવી પડશે. બધાં ડ્રાય ફ્રૂટ, મગજરારી ના બીજ, ચારોળી અને ખસ ખસ ને અધકચરા પીસી લેવા, ખજૂર,અંજીર ને પણ પીસી લેવા, ખારેક ને ફોડી ને બીજ કાઢી પીસી લેવી. અહીં તૈયાર માવો પણ લઈ શકાય છે. મારી પાસે મિલ્ક પાઉડર હતો તો મે એમાંથી માવો બનાવ્યો છે.

મિલ્ક પાઉડર માંથી માવો બનાવવા માટે 500 ગ્રામ મિલ્ક પાઉડર માં 2 કપ મલાઈ સાથે દુધ લાઈ એને 7-8 મિનિટ ગેસ પર ચલાવવું. એટલે માવો બની જસે.

હવે એક મોટા વાસણમાં 200 ગ્રામ જેવું ઘી લઈ એમાં અધકચરાં વાટેલા ડ્રાય ફ્રૂટ નાખી 2 મિનિટ શેકી લો. હવે એમાં શિંગોડા નો લોટ નાખી મિક્સ કરો. હવે પીસેલા ખજૂર, અંજીર અને ખારેક નાખી મિક્સ કરો. હવે 500 મીલી દૂધ નાખી બરાબર મિક્સ કરો. અને સતત હલાવા નું ચાલુ રાખો.

અને એને 5 મિનિટ જેવું હલાવતા બાદ ખાંડ નાખી ને મિક્સ કરો. 5 મિનિટ હલાવો, હવે એક એક કરી બધાં તેજાના એમાં નાખી દો. પરંતુ જાયફળ, જાવંત્રી અને બત્તીસું છેલ્લે સાલમ પાક બનવા આવે ત્યારે જ નાખવી નહી તો કડવાશ આવશે.

હવે માવો ઉમેરી સતત હલાવતા રેહવુ. હવે 200 ગ્રામ ઘી ઉમેરી ફરી મિક્સ કરવું. હવે પ્રોસેસ માં અડધો કલાક હલાવતા રેહવાનું છે. નીચે ચોંટે નહી એનું ધ્યાન રાખી છેક નીચેથી હલાવવું છે. જ્યાં સુધી ઘી છૂટે નહિ ત્યાં સુધી હલાવતા રહેવું. હવે બાકીનું ઘી ઉમેરી હલાવવું.

હવે બાકી રાખેલું જાવંત્રી પાઉડર, batrisu પાઉડર, અને જાયફળ પાઉડર ઉમેરી દેવું. હવે ગ્રીસ કરેલી થાળી માં પાથરી દેવું. ઉપર જે ઘી આવે એ રેહવા દેવું. ઉપર થી બદામ અને પિસ્તા ની કતરણ થી ગાર્નિશ કરવું. સાલમ પાક ને ઠરતા 7-8 કલાક લાગે છે. ઉપર નું ઘી બરાબર ઠરે ત્યાર બાદ પીસ કરવા. તૈયાર છે વિન્ટર special વસાણું સાલમ પાક. બનાવમાં મેહનત લાગે છે પણ ખાવા માં એટલુજ ટેસ્ટી.