બધા જ સુકા મસાલા સાંતળાઈ જાય એટલે છેલ્લે તેમાં સમારેલા ટામેટાં નાખવા અને તેને મસાલાની સાથે 15 મિનિટ સુધી સાંતળવા દેવા. ટામેટા સાંતળાઈ જાય એટલે ગેસ બંધ કરીને તે ઠરે એટલે તેમાંથી તમાલપત્ર કાઢીને તેને મિક્સરમાં ગ્રાઇન્ડ કરો. તેને સૂપ ગાળવાની ગળણી થી ગાળી લો.હવે તેમાં કાજુ અને મગજતરી ની પેસ્ટ, જાયફળ પાઉડર ઉમેરીને તથા જરૂરિયાત પ્રમાણે થોડું પાણી નાખીને બે થી પાંચ મિનિટ સુધી ઉકાળો.આ રેડ ગ્રેવી ને લાંબા સમય સુધી સ્ટોર કરી શકાય છે અને જુદીજુદી પંજાબી સબ્જી માં યુઝ કરી શકાય છે.

કઢાઈ પનીર બનાવવા માટે એક પેનમાં તેલ અને બટર લેવું. વધારે સારી સુગંધ માટે પનીર કેપ્સીકમ અને કાંદાને બટરમાં પહેલા સાંતળવા અને તરત જ તેમાંથી કાઢી લેવા પછી તેમાં આદુ-મરચા-લસણની પેસ્ટ નાંખી અને સાંતળવું. ત્યારબાદ તેમાં કાંદાની પેસ્ટ નાખીને તેને ખૂબ સાંતળવું. ગેસની આંચ તેજ રાખવી અને સતત હલાવ્યા કરવું. હવે તેમાં બધા મસાલા, ગરમ મસાલો, કડાઈ મસાલો નાખવો. ત્યારબાદ તેમાં કેપ્સીકમ અને કાંદા નાખવા.