બ્રેડ પકોડા (Bread Pakoda Recipe In Gujarati)

સૌપ્રથમ બ્રેડ પકોડા નો મસાલો તૈયાર કરવા માટે બટાકા ને બાફી લો પછી તેની છાલ ઉતારી અને તેનો છૂંદો કરી નાખો પછી એક કડાઈમાં તેલ ગરમ મૂકો તેમાં તેલ ગરમ થાય એટલે આખું જીરું નાખી પછી જીરુ તતડે એટલે તેમાં લીલું મરચું અને આદુ નાખવા ત્યારબાદ બટેકાનો માવો નાંખી તેમાં હળદર ધાણાજીરું મીઠું લાલ મરચું પાઉડર ગરમ મસાલો અને લીંબુનો રસ નાખવો અને ચપટી ખાંડ પણ નાખવી પછી ચમચા વડે તેને એકદમ હલાવી લો તો તૈયાર છે બ્રેડ પકોડા નો મસાલો

હવે આપણે ચણાના લોટનું ખીરું તૈયાર કરી લઈએ સૌપ્રથમ ચણાનો લોટ લો તેને ચાળી લેવો ત્યારબાદ તેમાં અજમા હીંગ અને મીઠું નાખી અને ચમચી વડે હલાવી મિક્સ કરી લો ત્યારબાદ તેમાં થોડું થોડું પાણી નાખી અને ચમચી વડે હલાવતા રહો ભજીયા નુ ખીરુ રાખીયે તેનાથી થોડું પાતળું ખીરું રાખવાનું

બ્રેડ લઇ તેમાં એક બ્રેડની સ્લાઈસ ઉપર શેઝવાન ચટણી લગાવો અને બીજી બાજુ ની સ્લાઈસ પર બટાકાનો તૈયાર કરેલો માવો લગાવો ત્યારબાદ બન્નેને જોઈન્ટ કરી લો પછી છરી વડે ત્રિકોણાકાર કાપી લો

ત્યારબાદ ગેસ પર તળવા માટે તેલ ગરમ કરવા મુકો એક બાજુ બ્રેડને ખીરામાં ડીપ કરી ફરતે ચણાના લોટનું ખીરું છોટે તેવી રીતે બ્રેડને બંને બાજુ ફેરવો ત્યારબાદ હળવે હાથે તેને તળવા માટે તેલમાં મૂકો ત્યારબાદ બંને બાજુ તળી લો