ஆட்டுக்காலை நெருப்பில் வாட்டி இரண்டு மூன்றாக வெட்டி வெந்நீரில் கழுவி மஞ்சள் தூள் போட்டு கொதிக்க விட்டு சுத்தமாக கழுவி எடுக்கவும்

குக்கரில் சுத்தம் செய்த ஆட்டு கால்களை போட்டு மஞ்சள் தூள் சேர்த்து ஒரு சிறிய துண்டு இஞ்சியை நறுக்கிப் போட்டு மூழ்கும் அளவிற்கு தண்ணீர் ஊற்றி 5 விசில் விட்டு இறக்கவும்

அடுப்பில் குக்கரை வைத்து எண்ணெய் ஊற்றி பட்டை பிரியாணி இலை அன்னாசிப் பூ கிராம்பு மிளகு சீரகம் கறிவேப்பிலை தாளித்து வெங்காயத்தை பொடியாக நறுக்கி சேர்த்து வதக்கவும்

இஞ்சி பூண்டு விழுதை சேர்த்து பச்சை வாசனை போகும் வரை வதக்கி தக்காளியை சேர்த்து நன்கு வதக்கவும்

சீரகத் தூள் மிளகுத் தூள் சோம்பு தூள் மிளகாய் தூள் மஞ்சள் தூள் சேர்த்து லேசாக வதக்கி வேக வைத்த ஆட்டுக்காலை வேக வைத்த தண்ணீரோடு சேர்த்து கிளறி விடவும்

தேவைப்படும் அளவிற்கு தண்ணீர் சேர்த்து தேவையான அளவு உப்பு சேர்த்து கொத்தமல்லி இலை புதினா இலை தூவி கொதிக்க விடவும்

கொதிவந்தவுடன் குக்கரை மூடி 8 விசில் விட்டு 5 நிமிடம் அடுப்பை மிதமான தீயில் வைத்து இறக்கவும் விசில் அடங்கியதும் மூடியைத் திறந்து சூப்பரான ஆட்டுக்கால் சூப்பை ருசி பார்க்கவும் ஹெல்தியான ஆட்டுக்கால் சூப் ரெடி