ભાત બનાવવા માટે … ચોખા ને ૧/૨ કલાક પાણી મા પલાળી ને તપેલી મા બાફી લો,ભાત ચડી જાય એટલે ચાયણી મા કાઢી લો.

મગ બનાવવા માટે મગ ને ૪/૫ કલાક પલાળી ને બાફી લો. પછી તેમા સ્વાદ મુજબ મીઠું તથા ૧/૨ ચમચી હળદર નાંખી ૫ મીનીટ ઉકળવા દો, પછી ૧ પેન મા ૩ ચમચી તેલ મુકી ૧/૪ ચમચી રાઇ,૧/૪ ચમચી જીરુ, ચપટી હીંગ, ૮/૧૦ પાન લીમડો તથા ૧ ચમચી ટમેટું, ૧ ચમચી લીલું મરચુ, લાલ મરચુ, ધાણાજીરુ બધુ ઉમેરી ૫ મીનીટ ચડવા દો, પછી મગ નો વઘાર કરી લો. પછી ૧/૨ લીંબુ તથા ૨ ચમચી કોથમીર ઉમેરી સવઁ કરો.

બટેટા નું શાક બનાવવા માટે બટેટા ને મીડીયમ સમારી લો, પછી કુકર મા ૪/૫ ચમચી તેલ મુકી ગરમ થાય એટલે તેમા ૧/૪ ચમચી રાઇ,૧/૪ ચમચી જીરુ, ચપટી હીંગ નાંખી ૧/૨ ચમચી લસણ ની પેસ્ટ તથા ૧/૨ ટમેટું ઉમેરી બટેટા નો વઘાર કરી તેમા ૧/૨ ચમચી હળદર, સ્વાદ મુજબ મીઠું, ૧ ૧/૨ ચમચી મરચુ, ૧ ચમચી ધાણાજીરુ તથા ૨ ચમચી કોથમીર ઉમેરી સરસ મીકસ કરી ૧ થી ૧૧/૨ ગ્લાસ જેટલું પાણી ઉમેરી ૩ સીટી કરી લો.

દુધી નું શાક બનાવવા માટે દુધી ને મીડીયમ સમારી લો, પછી કુકર મા ૪/૫ ચમચી તેલ મુકી ૧/૪ ચમચી રાઇ,૧/૪ ચમચી જીરુ,ચપટી હીંગ, ૧/૨ ચમચી લસણ ની પેસ્ટ તથા ૧/૨ ટમેટુ ઉમેરી દુધી નો વઘાર કરી ૧/૨ ચમચી હળદર, ૧૧/૨ ચમચી મરચુ, સ્વાદ મુજબ મીઠું, ૧ ચમચી ધાણાજીરુ તથા ૨ ચમચી કોથમીર ઉમેરી સરસ મીકસ કરી ૧થી ૧ ગ્લાસ પાણી ઉમેરો, પછી કુકર મા ૩ સીટી કરી ગેસ બંધ કરી લો.