સૌપ્રથમ ચણાની દાળ અને ચોખાને ૫ થી ૬ કલાક માટે પલાળી દેવા.

દાળ ચોખા પલડી ગયા બાદ મિક્સરમાં દહીં નાખી કરકરુ પીસી લેવું.

છ-સાત કલાક પછી જ્યારે ઢોકળા બનાવવા હોય ત્યારે એક ઢોકળિયામાં પાણી મૂકી દેવું. પાણી બરાબર ઉકળે ત્યાં સુધીમાં મિશ્રણમાં હળદર, મીઠું આદું-મરચાંની પેસ્ટ નાખી બરાબર મિક્સ કરી લેવું. ત્યારબાદ તેમાં તેલ, સોડા નાખી ઉપર લીંબુનો રસ નાંખી દેવો એકદમ ફિણ થવા માંડે એટલે ૨ ચમચી ગરમ પાણી નાખી બરાબરનો એક સાઇડ હલાવી લેવું.

આ બધી પ્રક્રિયા કરીએ ત્યાં સુધીમાં પાણી ઉકળી ગયું હશે એટલે એક ડીસમાં તેલ લગાડી તેમાં મિશ્રણ ઉમેરી ઢોકળીયામાં મૂકી દઈશું અને ઢાંકી દેશુ. આટલા માપ માંથી બે ડીશ ઢોકળા બને છે