૫ કલાક પલાળેલી ચણાની દાળ અને ચોખા મિક્સરમાં લઈ તેની અંદર દહીં અને લીંબુ ના ફૂલ ઉમેરી થોડું પાણી મેળવી મિક્સરમાં ક્રશ કરી લો.

હવે મિક્ષણને એક બાઉલમાં કાઢી તેમાં હિંગ અને હળદર લઇ મિક્સ કરો. હવે તેને ચારથી પાંચ કલાક માટે આથો આવવા મૂકી દો.

આથો આવી જાય પછી તેમાં મીઠું, આદુ મરચાની પેસ્ટ, ખાંડ અને થોડું પાણી ઉમેરી મિક્સ કરો.

ત્યારબાદ ફ્રુટ સોલ્ટ ઉમેરી બરાબર મિક્સ કરો હવે મિશ્રણને તેલ લગાવેલી થાળીમાં કાઢી સરસ રીતે પાથરી તેને સ્ટીમરમાં ૧૫ થી ૨૦ મિનિટ બફાવા મૂકો.

ખમણ બફાઈ જાય અને ઠંડા પડી જાય પછી તેને કટ કરી વઘાર માટે એક કડાઈમાં તેલ ગરમ કરો.

હવે ગરમ કરેલા તેલમાં રાઈ, સમારેલા લીલા મરચાં, તલ ઉમેરી મિક્સ કરો. હવે ખમણ વઘારમાં મિક્સ કરો. સર્વિંગ પ્લેટ માં લઈ કોથમીરથી ગાર્નિશ કરી સર્વ કરો. તો તૈયાર છે વાટી દાળના ખમણ.