खालील प्रमाणे तयारी करावी.

कोलंबी साफ करून स्वच्छ धुवून निथळत ठेवावी.उभा कांदा चिरून घ्या,टोमॅटो चिरून घ्या.बटाटे चिरून घ्या.कोथिंबीर,पुदीना बारीक चिरून घ्या.

कोलंबीमधे लालतिखट,हळद,
आललसुणमिरची पेस्ट,बिर्याणी मसाला,2टेबलस्पून लिंबाचा रस,मीठ घालून मॅरीनेट करायला 15/20 मिनिटे ठेवणे.(ह्या मापासाठी 2टेबलस्पून बिर्याणी मसाला वापरला,)

कांदा लाल होईस्तो तळून घ्यावा नि बाजूला ठेवा.बटाटे तळून घ्या.

एका पातेल्यात 1टेबलस्पून तेल घाला नी त्यामधे खडे मसाले घाला,शहाजीरे घाला नीतांदूळ च्या चौकट पाणी घालून उकळत ठेवा.पाणी उकळले की त्यात धुतलेले तांदूळ घाला. साधारण 10/12 मिनीटात 80 %शिजेल आता भात चाळणीत ओता निथळून घ्या.

आता एका 1 टेबलस्पून कढईत तेल टाका नि त्यात मॅरीनेटेड कोलंबी नि टोमॅटो घाला नि दहा मिनिटे शिजवून घ्या. थोडीशी ओलसर असेल तशीच राहू द्या.

ज्या पातेल्यात बिर्याणी लावणार त्या पातेल्यात 2 टेबलस्पून तेल घाला(कांदा तळलेले घालावे),वरील केलेली कोलंबी घाला,बटाटे घाला नि तळलेला कांदा पाऊण घाला नि चांगले मिसळून घ्या. आता ह्यावर कोथिंबीर नी पुदीना सारखा पसरवा नी वर अर्धा भात टाका नि त्यावर थोडा कांदा घाला परत भात टाका नि वरती परत तळलेला कांदा घाला,नंतर दोन चमचे तुप सगळी कडे थोडे थोडे घाला.शेवटी भात जरा घट्ट दाबा म्हणजे वाफ बाहेर येणार नाही.

पातेल्या खाली तवा ठेवा म्हणजे बिर्याणी लागणार नाही.वर झाकणा खाली ओला नॅपकिन ठेवा नि वर झाकण ठेवा. 5मिनिटे मोठा गॅस ठेवा नि नंतर 25/40 मिनीटे गॅस मध्यम ठेऊन वाफ येऊ द्या.

कोलंबी दम बिर्याणी तयार आहे.कांदा, लिंबू नि काकडी सोबतीला द्या. एकदम झकास लागते तुम्ही करून बघाच.