સૌ પ્રથમ બટાકા ને ધોઈ ને બાફી લેવા તેની છાલ ઉતારી ને મેશ અથવા ખમણી લેવા.તેમાં મીઠું અને 1/2 કપ તોકિર ઉમેરી માવો તૈયાર કરવો.

સ્ટફિંગ માટેની બધી સામગ્રી ભેગી કરી મિશ્રણ બનાવી સ્ટફિંગ તૈયાર કરી લેવું.

હવે બટાકા ના તૈયાર કરેલા માવા ની ટીક્કી બનાવી તેમાં સ્ટફિંગ ના નાના બોલ બનાવી મુકવા અને તેના ગોળા બનાવી લેવા.તેને તપકીર માં રગદોળી લેવા.જેથી બફવડા છુટ્ટા ન પડે.આ તૈયાર વડા ને ગરમ તેલ મધ્યમ આચ માં તળી લેવા.

આવી રીતે બધા વડા તૈયાર કરી લેવા.અને તેલ માં ગોલ્ડન થાય ત્યાં સુધી તળવા.અત્યારે હજુ નવા બટાકા આવતા હોવાથી સાવ લાલ કે બ્રાઉન નહિ થાય. તો તૈયાર છે ફરાળી બફવડા.

મેં આ બફવડા ને લીલી ચટણી, ખાટીમીઠી ચટણી,તળેલા મરચા,કાકડી,ફરાળી ચેવડો અને વેફર સાથે સર્વ કર્યા છે.