સૌ પ્રથમ શેકેલી ફોતરા કાઢેલી શીંગ ને એક કલાક પાણી માં પલાળવી.પછી પાણી નિતારી શીંગ ને એક બ્લેન્ડર જાર માં નાખવી.ત્રણેક ટેબલસ્પૂન પાણી નાખવું. જરૂર પડે તો વધારે પાણી એડ કરવું. છોલે ના ચણા અને પાકા કેળા ની છાલ કાઢી મેશ કરેલું કેળું પણ નાખવું.સોફ્ટ, પેસ્ટ બને ત્યાં સુધી બ્લેંડ કરવું.આ મિશ્રણ એક બાઉલ મા કાઢી તેમાં મેંદો અને બેકિંગ સોડા નાખી બધું બરાબર મિક્સ કરવું. ગુલાબજાંબુ નું મિશ્રણ તૈયાર થશે.

આ મિશ્રણ માથી એક એક ટેબલસ્પૂન જેટલું મિશ્રણ લઈ તેના ગોળાકાર જાંબુ તૈયાર કરવા.એક કઢાઈ મા તળવા માટે તેલ ગરમ કરવા મૂકવું.બીજા ગેસ પર એક વાસણ મા એક કપ સાકર અને અડધો કપ પાણી નાખી મધ્યમ આંચ પર ગરમ કરવા મૂકવું. તેમાં એલચી અને કેસર વાળું પાણી નાખી ઉકળવા દેવું.એક તાર ની ચાસણી તૈયાર કરવી.ગેસ બંધ કરી ચાસણી ઠંડી થવા દેવી.

તેલ મધ્યમ આંચ પર બરાબર ગરમ કરવું.પછી આંચ ધીમી કરી દેવી. થોડું મિશ્રણ નાખી ચેક કરવુ.ફ્રાય થઈ ઉપર આવે પછી એક ગુલાબજાંબુ તળવું.સોનેરી બ્રાઉન રંગ નુ થવા દેવું.આ રીતે ધીમા તાપે બધા જાંબુ તળી લેવા.અંદર થી કાચા ન રહેવા જોવે તે ધ્યાન રાખવું.બહુ ગરમ તેલ માં ના તળવું.બહારથી લાલ અને અંદરથી કાચું રહી જશે.ઠંડી થયેલ ચાસણી માં બધા જાંબુ નાખી દેવા.જાંબુ ડૂબે તેટલી ચાસણી હોવી જોવે.એક બે કલાક ચાસણી માં રહેવા દેવા.

શીંગ ની ચીકી બનાવવા માટે અડધો કપ સાકર એક પેન માં લેવી.તેમાં બે ટેબલસ્પૂન પાણી નાખી ધીમી આંચ પર ગરમ કરવી તેને બિલકુલ હલાવવું નહિ.થોડી વાર પછી સાકર ઓગળી બ્રાઉન થવા લાગાસે.હવે થોડું હલાવવું.બધી સાકર કેરેમલાઈઝ થઈ જશે.ગેસ બંધ કરી દેવો.એક ચમચી વનીલા ઍસેન્સ્ નાખી મિક્સ કરવું.તરત જ ફોતરા વગર ની શેકેલી શીંગ નાખી બરાબર હલાવી ઘી લગાડેલા બટર પેપર પર મિશ્રણ નું પાતળું લેયર પાથરી દેવું.વીસ મિનિટ ઠંડુ થવા દેવું.

ઠંડુ થયા પછી તેના ટુકડા કરી ગુલાબજાંબુ સાથે પીરસવા.ગુલાબજાંબુ ઉપર બદામ પિસ્તા ની કતરણ થી સજાવવું.