સૌપ્રથમ લીલી ચટણી બનાવવા માટે બધા મસાલા ભેગા કરી મિક્સરમાં પીસી લેવા. તો તૈયાર છે લીલી ચટણી...

હવે ટમેટાના આગળ અને પાછળ ના ભાગ કાઢી ગોળ ગોળ સ્લાઇસ કરી લઈએ. ત્યારબાદ તેના પર સંચળ પાવડર છાંટી દઈએ.

હવે આ બધી જ સ્લાઇસ પર ગ્રીન ચટણી લગાવી દેવી. ત્યાર બાદ તેના પર ચિઝ ખમણી લેવું.ચણાના લોટનું બેટર બનાવી લઈએ તે માટે એક બાઉલમાં ચણાનો લોટ લઈ તેમાં મીઠું, હિંગ અને હળદર તેમજ એક ચમચી ગરમ તેલ નાખીને ગાંઠા ન રહે એ રીતે હલાવી બેટર બનાવી લેવું.

હવે તેલ ગરમ કરવા મૂકવું.ત્યારબાદ ટામેટા ની સ્લાઈસ બેટર માં ડુબાડી તેના પર ચમચીથી આ બેટર રેડી તેના પર મરી અને ધાણાનુ મિક્સ સ્પિંકલ કરી તેલમાં મુકવું.

બધી જ સ્લાઇસ આ રીતે ડિપ ફ્રાય કરી લો. ગરમ ગરમ ટમેટા સ્ટફ ચિઝી-ચટણી ભજીયા સોસ અથવા ચટણી સાથે સર્વ કરો.