સૌ પ્રથમ એક બાઉલમાં ૧ કપ મેંદો લઈ લો.ત્યારબાદ તેમાં મીઠું, બેકિંગ સોડા, બેકિંગ પાઉડર,તેલ, ખાંડ અને દહીં નાખી લોટ બાંધી લો.

હવે એક પેનમાં ૨ ચમચી તેલ ગરમ કરો.ત્યારબાદ તેમાં ૧ ચમચી જીરૂ અને આદું લસણ ની પેસ્ટ નાખી સાંતળી લો.હવે તેમાં વટાણા અને ચોખા નો લોટ ઉમેરી ૨-૩ મિનિટ સાંતળો.

હવે તેમાં ૨ ચમચી લીલી ચટણી ઉમેરી હજી ૨ મિનિટ સુધી થવા દો.ત્યારબાદ તેમાં મીઠું, લાલ મરચું, ગરમ મસાલો, આમચૂર પાઉડર, ઘાણા જીરું નાખો.હવે બાફેલા બટાકા નો માવો નાખી બધું બરાબર મિક્સ કરો.

હવે લોટમાંથી એક લુવો લઈને નાન બનાવી કાચી-પાકી સેકી લો.બધી નાન આ રીતે બનાવી લો.

હવે ટિક્કી બનાવવા માટે બનાવેલા મિશ્રણ માંથી થોડું મિશ્રણ લઈ ગોળ નાની ટિક્કી બનાવી લઈએ.બીજી તરફ એક બાઉલમાં મેંદો અને કોનૅ ફ્લોર લઈ સ્લરી બનાવી લેવી.

હવે ટિક્કી ને આ સ્લરી માં ડુબાડી બ્રેડ ના ભુક્કા માં મિક્સ કરી સેલો ફ્રાય કરો.બધી ટિક્કી આ રીતે બનાવી લેવી.

હવે ૩-૪ મોટી ચમચી મ્યાઓની માં ૨ ચમચી ચિલી સોસ અને ૧ ચમચી ટોમેટો સોસ ઉમેરી મિક્સ કરી લો.હવે બનાવેલી નાન લઈ તેના પર મ્યાઓનીસ લગાવી થોડી ડુંગળી સ્પેડ કરો.

હવે તેના પર ટિક્કી રાખી બંધ કરીને ગ્રીલર મશીન માં બટર લગાવી ૨-૩ મિનિટ થ‌વા દો.તો રેડી છે... આલુ ચટપટા નાન...... ગરમા ગરમ સર્વ કરો...