પનીર છીણીને રાખવું. પાલક ઝીણી સમારી ધોઈ લેવી. ત્યાર બાદ ૨ ચમચા તેલ માં પાલક સમારેલી નાખી તેમાં આદુ લસણ ની પેસ્ટ નાખવી. મીઠું નાખી હલાવી લેવું. પાલક માં થી પાણી બળી જાય ત્યાં સુધી શેકવું. ત્યાર બાદ ઠંડુ કરવું. પનીર માં મીઠું મરી પાવડર નાખી મસળવું. ત્યાર બાદ તેના ગોળ બોલ્સ બનાવી દેવા. ઠંડી થયેલી પાલક ના મિશ્રણ માં ૨ ચમચા કોર્ન ફ્લોર નાખી મિક્સ કરવું. પનીર ના બોલ્સ પર પાલક ના મિશ્રણ નું કોટિંગ કરી ફ્રીજ માં ૧૦ મિનિટ મૂકવું. ત્યાર બાદ તેલ માં આ બોલ્સ તળી લેવા.

નાન માટે મેંદો લઈ તેમાં મીઠું, મોણ, મેથી, લસણ, બેકિંગ પાઉડર અને દહી નાખી લોટ બાંધવો. તેને ૪ કલાક જેવો રેસ્ટ આપવો.

ટામેટા ને તેલ માં સેકી ને ઠંડુ થાય એટલે ગ્રેવી બનાવી દેવી.

પેન માં તેલ મૂકી તેમાં મરચું, ધાણા જીરું, ગરમ મસાલો નાખી ટામેટા પ્યુરી નાખવી. મીઠું નાખી હલાવી શેકવા દેવું. ગ્રેવી તેલ છોડે ત્યારે ગેસ બંધ કરી દેવો.

પાલક પનીર બોલ્સ ને વચે થી કાપી ગ્રેવી પર મૂકી ને કોથમીર અને મલાઈ થી સજાવવું.

નાન વણી ને એક બાજુ પાણી વાળો હાથ લગાવી તવી પર મૂકવું. નીચે નો ભાગ શેકાય એટલે તવી ઊંઘી કરી બીજી બાજુ શેકવું. નાન તવી માં થી ઉખડી જશે. બટર કે ઘી લગાવી સર્વ કરવું