એક તપેલી માં ત્રણેય લોટ નું મીકસર લો. આ લોટ રેડી પણ મળે છે. હવે તેમાં દહીં એડ કરો. અને સાથે પાણી નાખી ને સરખી રીતે મિક્સ કરી દો. સાથે જ હળદર પણ ઉમેરી દો જેથી આથો આવવા ની સાથે તેનો કલર પણ સરસ પકડાઈ જાય..તેને 4 થી 5 કલાક માટે તડકે અથવા ગરમ જગ્યા એ ઢાંકી ને મૂકી દો. આથો આવ્યા પછી તેનો કલર સરસ યેલ્લો થઈ જશે.

આથો આવી ગયા પછી હવે આપડે તેનો મસાલો કરીશું.. હવે તેમાં ખમણેલી દૂધી, ક્રશ કરેલા લીલા મરચાં, આદુ, અને લસણ ઉમેરીશું. સાથે જ તેમાં મસાલા પણ એડ કરીશું લાલ મરચું, મીઠું, ધાણાજીરું, ખાંડ, કોથમીર વગેરે અને બરાબર મિક્સ કરીશું..

મસાલો થયા પછી હવે તેમાં વઘાર કરીશું..આપડે આમાં 2 વખત વઘાર કરીશું. આ વઘાર ડાયરેક્ટ ખીરા માં જ એડ કરવામાં આવશે..તો થોડું તેલ લઇ ને આ વઘાર કરી ને ડાયરેક્ટ ખીરા માં નાખી ને મિક્સ કરી લઈશું. અને સાથે સોડા પણ એડ કરી લઈશું. તો હવે આપડું બેટર રેડી છે.હવે આપડે હાંડવો બનાવીશું.

આપડે હાંડવો કડાઈ માં બનાવીશું. તો પહેલા કડાઈ માં થોડું તેલ નાખી ગરમ થાય એટલે થોડી રાઈ, જીરું અને તલ નાખી ને ખીરું એડ કરી દઈશું અને તેને સરસ પથરી દઈશું... પછી તેને ઢાંકણ ઢાંકી ને મીડિયમ તાપે ચડવા દઈશું. થોડી વાર પછી સાચવી ને પલટાવી દઈશું અને તેને પણ ચડવા દઈશું.

થોડો ક્રિસ્પી થાય પછી તેને ઉતારી ને પ્લેટ માં કાઢી લઈ કટ કરી ને મન ગમતી ચટણી કે સૌસ સાથે સર્વ કરીશું. મેં હાંડવા ને લસણ ની ચટણી અને ટોમેટો કેચઅપ સાથે સર્વ કર્યો છે. આશા રાખું છું કે આપ સૌ ને મારી આ વાનગી પસંદ આવી હસે...