સૌ પ્રથમ એક બાઉલમાં મેંદો, મીઠું, તેલ નાખી પરોઠા જેવો લોટ બાંઘી ૧૦ મિનિટ રેસ્ટ આપો. ત્યારબાદ વટાણા અને તુવેર નાં દાણા, લીલું લસણ ક્રશ કરી ચારણી માં મુકી ફક્ત ૫ મિનિટ માટે વરાળે રાખી એક પ્લેટમાં કાઢી લેવાં.

ત્યારબાદ એક પેનમાં તેલ ગરમ કરી તેમાં લીલું મરચું, આદું સાંતળી ડુંગળી ઉમેરો. ડુંગળી ટ્રાન્સપરન્ટ થાય એટલે ક્રશ કરેલા દાણા, અને બીજા ઈનગ્રીડિયન્ટસ્ ઉમેરીને ચટપટો મસાલો રેડી કરવો. ત્યારબાદ લોટ માંથી નાનું ગુલ્લુ લઈને પુરી વણી એક ચમચી સ્ટફીગ ભરી કચોરી બનાવી લેવી. આ રીતે બઘી કચોરી તૈયાર કરી લેવી.

હવે તૈયાર કરેલ કચોરી ગરમ તેલ માં સ્લો ફલેમ પર ક્રિસ્પી તળી લેવી. કચોરી ઠંડી પડે પછી કચોરી ને સર્વિસ પ્લેટમાં લઈને ઉપર થી ખાટીમીઠી ચટણી, દહીં,ચાટ મસાલો, મસાલા સિંગ, ડુંગળી, કોથમીર, દાડમના દાણા થી ગાર્નિશિંગ કરી સર્વ કરો.