કુકરમાં ૩ ચમચા ઘી અને તેલ મૂકી ગરમ થાય એટલે તેમાં જીરૂં તતડે એટલે તેમાં બધા શાક નાખી હલાવી લો. શાક થોડા ચડવા લાગે એટલે તેમાં ટામેટા આદુ અને મરચા ની પેસ્ટ ઉમેરવી અને સ્વાદ અનુસાર મીઠું ઉમેરી હલાવો. બાદમાં તેમાં સોયા અને ચીલી સોસ નાખી હલાવી તેમાં ધોયેલા ચોખા નાખો. બાદમાં હલાવી એક કપ પાણી અને જરૂર પડે તો મીઠું નાખી હલાવી લો.

હવે તેમાં હલ્દી લાલ મરચું પાવડર અને પલાવ મસાલો નાખી હલાવી લો. ઉપર ૩ ચમચી જેટલું ખમણેલું ચીઝ અલગ રાખી બાકી નું ચીઝ નું ઉપર લેયર કરી કુકર બંધ કરો. એક સીટી વગાડવી બાદ માં ધીમા તાપે ૨ સીટી વગાડી ગેસ બંધ કરી દો. પુલાવ પર મેલ્ટ ચીઝ નું લેયર તૂટી ન જાય તે રીતે પુલાવ પ્લેટમાં કાઢી તેમાં ઉપર ઓરેગાનો અને ચીલી ફ્લેક્સ ભભરાવી ખમણેલું ચીઝ પાથરો. અને ગરમ જ પુલાવ સવૅ કરો. ( ચીલી સોસ અને સોયા સોસ તથા ઓરેગાનો અને ચીલી ફ્લેક્સ ને કારણે પુલાવ માં મેક્સીકન ફ્લેવર આવશે.

તમે ઈચ્છો તો પ્યુરી માં ડુંગળી અને લસણ મિક્ષ કરી પેસ્ટ બનાવી શકાય. અમે ડુંગળી વાપરતા ન હોવાથી તેમાં નાખી નથી.(મેં કુકરમાં પુલાવ મુક્યો છે તમે ઓવનમા કરી શકો છો.)