ઉપર દર્શાવેલ સામગ્રી ને ફોટોઝ માં દર્શાવ્યા મુજબ મિક્સ કરી પીસી લેવી..લીલાં શાક સાથે લીલું મરચું, સફેદ સાથે લસણ,આદું. અને લાલ શાક સાથે જો વધુ તીખું બનાવવું હિય તો લાલ મરચું ઉમેરવું.ત્યારબાદ આ બધા શાક ને વારાફરતી મિક્સર માં પીસવા..

હવે તેમાં જરૂરમુજબ ચણાનો લોટ ઉમેરતાં જવો.શાકમાં મીઠું, ખાંડ અને લીંબુ નાખવાથી જે પાણીછુટે તેમાં સમાય એટલો જ બેસન મિક્સ કરવો..તેમાં જરૂર મુજબ ઇનો નાખી મિક્સ કરી લો.અહીં મેં 3 બાઉલ માં સરખે ભાગે ઇનો નાખી પછી જ બેસન મિક્સ કરેલો છે.

ત્યારબાદ સૌ પ્રથમ લેયર લીલું એટલે કે વટાણા વાળું લેયર સ્પ્રેડ કરી ઢોકળાં અંતિમ કરવા મુકવા..આ એટલ કે વટાણા ને રંધાતા બીજા શાકની સરખામણી માં વધુ વાર લાગશે.અને જો સહેજ કાચું રહે તો વટાણા નો સ્વાદ તૂરો આવશે.

ત્યારબાદ ટમેટાં, બીટ અને મરચાં વાળું લેયર મૂકવું.. ગ્રીનલેયર પર આ લાલ ખીરું સ્પ્રેડ કરી ફરી ઢોકળાં સ્ટીમ કરવા મૂકવાં..

ત્યારબાદ બટેટા, આદુ લસણ વાળું લેયર સ્પ્રેડ કરવું..અને તેને ફરી સ્ટીમ કરવા મુકો..

પછી તેને લાંબા ચાકુ વડે ચેક કરો કે ત્રણે લેયર બરોબર સ્ટીમ થઈ ચડી ગયા છે કે નહીં.જો થઈ ગયા હોય તો હવે ત્રાંસ ઉતારી તેને ઠંડુ થવા દો...થોડું ઠંડુ થાય પછી તેના મનપસંદ ચોસલાં પાડી લો.