હવે તૈયાર કરેલા બટેટા ના મિશ્રણ માંથી લીંબુ જેવડાં ગોળા બનાવી તેને વચ્ચે થી ફ્લેટ કરી તેમાં તૈયાર કરેલું સ્ટફિંગ ભરી કોફતા બનાવી લો. તૈયાર કોફતા ને તપકીર માં રોલ કરી હાઈ હીટ પર ગરમ તેલમાં ગોલ્ડન બ્રાઉન થાય ત્યાં સુધી તળી લો.

હવે એક કડાઈમાં તેલ ગરમ કરી તેમાં જીરું અને હિંગ નાખી સહેજ સાંતળો પછી તેમાં ડુંગળી ઉમેરીને થોડીવાર ચડવા દો પછી તેમાં ટોમેટો પ્યુરી તથા આદુ લસણની પેસ્ટ ઉમેરી પાણી તેલ છુટું પડે ત્યાં સુધી ચડવા દો. હવે તેમાં બધા મસાલા ઉમેરી બરાબર મિક્સ કરી લો.હવે ઇન્સ્ટન્ટ સબ્જી મિક્સ ને ૧ કપ પાણી માં મિક્સ કરી લો.આ તૈયાર કરેલા ઇન્સ્ટન્ટ સબ્જી મિક્સ ના મિશ્રણ ને ગ્રેવી માં ઉમેરી બરાબર મિક્સ કરી લો પછી તેમાં જરૂર પ્રમાણે પાણી ઉમેરી થોડું થીક ત્યાં સુધી હલાવતા રહો. ગેસ બંધ કરી તેમાં ફ્રેશ ક્રીમ ઉમેરી બરાબર મિક્સ કરો.

હવે એક બાઉલમાં તૈયાર કરેલી ગ્રેવી માં કોફતા મૂકી ઉપર થી ફ્રેશ ક્રીમ થી સજાવી ગરમાગરમ સર્વ કરો.