સૌ પ્રથમ ખાટી છાશ ને તપેલી માં કાઢી ને ગરમ કરવા મૂકો અને તેમાં હાંડવા નાં લોટ ને છાસ માં મિક્સ કરી ને ૪ થી ૫ કલાક આથો આવે ત્યાં સુધી પલાળી રાખો. આથો આવી જાય એટલે તેમાં વારાફરથી મરચા ની પેસ્ટ, આદું ખમણેલું, હળદર પાવડર, લાલ મરચું પાવડર, ગરમ મસાલો, ખાંડ, મીઠું બધાં મસાલા નાખી ને બરાબર હલાવી દો. પછી તેમાં બધાં શાકભાજી ખમણી ને નાખી ને બરાબર મિક્સ કરી લો.

હવે જ્યારે હાંડવો બનાવવો હોય ત્યારે એક પેન ને ગેસ પર ગરમ કરવા મૂકો. પેન ગરમ થાય ત્યાં સુધી હાંડવા નાં ખીરા માટે એક નાના વઘારિયા માં તેલ ગરમ કરી ખીરામાં ખાવાના સોડા અને તેલ મિક્સ કરી નાખી ને બરાબર ફટાફટ હલાવી દો.

હવે જે પેન માં તેલ ગરમ કરવા મૂકેલું તેમાં રાઈ, તલ, સૂકવેલા લાલ મરચાં અને લીમડાના પાન નાખી ને વઘારી ને તૈયાર કરેલું હાંડવા નું ખીરું પાથરી દો. અને ધીમાં તાપે નીચેની સાઇડ બ્રાઉન રંગ ની થાય ત્યાં સુધી શેકાવા દો. એક સાઇડ પાકી જાય એટલે તેને ડિશ ની મદદ થી કાઢી ને ઉલટાવી દો.

હવે તેને ઢાંકણ થી ઢાંકી ને બીજી સાઇડ શેકાવા દો.૧૦ મિનીટ પછી ચપ્પા થી ચેક કરો. ચપ્પુ આખું બહાર નીકળી જાય એટલે ગેસ બંધ કરી દો. અને સર્વ કરો વેજીટેબલ હાંડવો.તો તૈયાર છે પોષ્ટિક વાનગી આને ચા કા તો છાસ સાથે સર્વ કરો.