સૌ પ્રથમ મેંદા ને ચાળી તેમાં નમક, હિંગ અને તેલ-ઘી નું મોણ નાખી કણક તૈયાર કરવી. મોણ મૂઠી પડતું નાખવું જેથી ઘુઘરા સોફટ થશે.

કણક મિડીયમ બાંધવી. જેથી વણવા માં સરળતા રહે. પછી તેને ઢાંકી ને થોડી વાર રહેવા દેવું.

હવે સ્ટફિંગ માટે અહીં બાફેલા બટાકા તૈયાર છે. મેં નમક નાખી ને જ બાફયા છે જેથી હવે બાકી નો મસાલો તૈયાર કરી લેશું. બટેટા ને ઝીણા સમારી લેવા.

પછી તેમાં તૈયાર કરેલા બધા મસાલા નાખી હાથ વડે મિક્સ કરવું.

ત્યાર બાદ ઘુઘરા બનાવા માટે હવે લોટ તૈયાર થઈ ગયો હશે. તેના એકસરખા લુઆ તૈયાર કરી લેશું. પછી તેને પાટલા પર લાંબુ વણવા નું છે ગોળ નહીં. પછી તેની એક સાઈડ પર તૈયાર કરેલો મસાલો મૂકી દો.

પછી બીજી બાજુ નો ખાલી ભાગ તે સાઈડ વાળી બધી સાઈડ સહેજ પ્રેસ કરી ઘુઘરા વાળતું જવું.

બાજુ માં તેલ ગરમ મૂકવું. તેલ થાય એટલે ૪-૫ ઘુઘરા એકસાથે તળવા માટે નાખવા. ઘુઘરા ને એકદમ ધીમી આંચ પર જ તળવા ના છે તોજ એ ક્રિસ્પી બનશે. એકદમ ગોલ્ડન બ્રાઉન થાય એટલે કાઢી લેશું. તેને ધીમે ધીમે ફેરવતા રહેવુ.

હવે એક સર્વિંગ પ્લેટ માં લઇ ઉપર સેવ, મસાલા વાળા બી, ડુંગળી, લાલ - લીલી અને આમલી ની ચટણી અને કોથમરી થી ગાર્નિસ કરી ગરમા ગરમ સવૅ કરો.