તો ફ્રેન્ડ આપણે બેબી સ્પ્રિંગ સમોસા બનાવવાનું શરૂ કરીશું. તો સૌપ્રથમ સમોસા નો લોટ બાંધી લેશું.સૌપ્રથમ એક કાથરોટમાં મેંદો લો, એની અંદર હાથેથી મસળીને અજમા નાખો. તેલ અથવા તો ઘી નાખી, બધું મિક્સ કરો ત્યારબાદ થોડું થોડું પાણી નાખીને લોટ બાંધો.

લોટ બહુ નરમ ન હોવો જોઈએ કે નહિ બહુ કઠણ હોવો જોઈએ.હવે પંદરથી વીસ મિનિટ બાંધેલા લોટને એક બાજુ ઢાંકીને રાખી દો.

હવે આપણે સ્ટફિંગ તૈયાર કરીશું.તો એના માટે સૌથી પહેલા બટેટાને બાફી લેવા, ત્યારબાદ બાફેલા બટેટાની છાલ ઉતારી ને એનો માવો બનાવો.

હવે એક વાસણ લઈ તેની અંદર બટેટાનો માવો,ઝીણા કાપેલા લીલા મરચાં, ઝીણી સુધારેલી કોથમીર, મીઠું, મરચું, હળદર, ગરમ મસાલો, ચાટ મસાલો,ઝીણી સુધારેલી ડુંગળી અને ચોખાનો લોટ બધું જ નાખી સ્ટફિંગ તૈયાર કરો.

હવે તૈયાર કરેલા સ્ટફિંગ માંથી સિલેન્ડર ટાઈપના નાના નાના રોલ વાળી લો. બધા જ રોલ વળી જાય એટલે એક ડીશમાં રાખી દો.

હવે બાંધેલા લોટને એકદમ મસળી લો અને તેમાંથી લુઆ વાળો. હવે લુવા માંથી મોટી રોટલી બનાવી લો. રોટલીના ચાર ભાગ કરો, ચોથા ભાગના ત્રિકોણમાં ક્રોસમાં ત્રણ ત્રણ કાપા પાડો. અને એની વચ્ચે તૈયાર કરેલો રોલ રાખો અને ક્રોસમાં પેક કરો.

બધા સમોસા આવી જ રીતે તૈયાર કરો. હવે ગેસ પર કડાઇમાં તેલ મૂકો. તેલ ગરમ થાય એટલે તેમાં ધીમી આચે બધા બેબી સ્પ્રિંગ સમોસા તળી લો.

હવે તળાઈ ગયેલા સમોસા ને એક ટીશ્યુ પેપર પર રાખી એક્સ્ટ્રા તેલ નીકળી જાય ત્યાં સુધી રાખો. ત્યારબાદ સર્વિંગ પ્લેટમાં ટોમેટો કેચપ સાથે બેબી સ્પ્રિંગ સમોસાની સર્વ કરો.આ સમોસા દેખાવ માં એટલા સરસ છે કે જોઈને ફટાફટ ખાવાનું મન થઈ જાય, અને કોઈ નાનું બેબી ટોવેલમાં વીટાઈને સૂતું હોય એવું લાગે, માટે જ મેં બેબી સ્પ્રિંગ સમોસા નામ આપ્યું છે.