સૌ પ્રથમ ગુંદાને ધોઇ, કોરા કરી, દસ્તાની મદદથી, ચપ્પુને નમકવાળું કરી, દરેક ગુંદાની વચ્ચેથી ઠળિયા કાઢી લો. કેરીની છાલ ઉતારી ખમણી લઈ, તેમાં હળદર અને નમક મિક્સ કરો.હવે તેલ ગરમ કરો, ઠંડુ કરી લો.જેટલા ગુંદા તેટલું જ ખમણ અને સંભાર લો.કેરીના ખમણમાં સંભાર મસાલો મિક્સ કરો.

દરેક ગુંદામાં આ મસાલો દાબીને ભરો. આ રીતે દરેક ગુંદા ભરો. બીજા વાસણમાં વધેલ મસાલામાં તેલ ઉમેરો, આ બધો જ મસાલો ભરેલા ગુંદામાં ઉપરથી ઉમેરો.

તૈયાર થયેલા ગુંદાનું અથાણું કાચની બરણીમાં ભરી લઈ ઉપર તેલ રહે તે રીતે રાખો.આ અથાણું ફ્રીઝમાં 8-10 મહિના સ્ટોર કરી શકાય છે, વળી આ અથાણું 1 દિવસમાં બની જાય છે અને કાળું પણ થતું નથી.ઉપર તેલ રહે તે રીતે રાખવાથી બગડતું પણ નથી.તો તૈયાર છે મેથીયા ગુંદાનું અથાણું.