હવે ખાંડણીમાં લસણ અને સ્વાદમુજબ મીઠું લ્યો.
અધકચરું ખાંડો,ત્યારબાદ તેમાં 1/2કોથમીર ઉમેરી દ્યો
અને બારીક ખાંડો,
સરખું ખંડાઈજાય એટલે લાલમરચું ઉમેરો,ફરી ખાંડો
સરખું મિક્સ થઇ જાય એટલે વાટકીમાં કાઢી લ્યો.

હવે કડાઈમાં તેલ ગરમ મૂકી બઝારમાં જે પીળા મોટા ભૂંગળા આવે છે
તે તળી લ્યો,બટરપેપર પર નિતારી લેવા અથવા કોરા મમરા
પર રાખી દ્યો તો પણ વધારાનું તેલ સોસાઈ જશે.હું હમેશા
મમરા પર જ કાઢી લાઉ છું,જેથી તેલનો બગાડ પણ ના થાય.

હવે એક મોટા તપેલામાં બે થી ત્રણ ચમચા તેલ લ્યો
ગરમ કરવું હોય તો કરાય કાચું પણ સારું જ લાગે છે
તેમાં લસણની ચટણી ઉમેરો અને મિક્સ કરી લ્યો
પછી તેમાં બાફેલા બટાકા ઉમેરી અને ચમચાથી ખુબ સારી રીતે
ઉપરનીચે હલાવી મિક્સ કરી લ્યો
કોથમીર ભભરાવો...

તૈય્યાર છે અસલ ભાવનગરી બટેટાંભૂંગળાં,,,,,
બટેટાંભૂંગળાં નામ પડતા જ મોમાં પાણી આવી જાય
એમાં ય આતો વરસાદી ઋતુ...મન લલચાઈ જ જાય
પહેલા તો બટેટાંભૂંગળાનું નામ સાંભળતા લોકો મોં બગાડતા
પણ એકવાર જે ચાખે પછી તે ક્યારેય મોં નહીં બગાડે,,
બટાકા ભૂંગળા હવે તો મોટા મોટા પ્રસંગોમાં સાઈડ ડીશ તરીકે કે ફરસાણ
રૂપે પીરસાય છે,,,ભીડ એ જ કાઉન્ટર પર હોય છે..

મારુ પિયર ભાવનગર એટલે મારા મામેરીયા પણ અસલ ભાવનગરી,,
મેં મારા દીકરાની જનોઈમાં મામેરાનાં પ્રસંગ વખતે સાંજના સમયે નાસ્તામાં
બટાકા ભૂંગળા જ રાખેલા,જૂનાગઢીઓ માટે આ પ્રથમ વાર હતું,
પણ તમે નહીં માનો જમણવાર જેટલા બટેટાંભૂંગળાં ખવાયા.....
જૂનાગઢીઓએ મન મૂકીને મોજ માણી,,,,,
આવા સ્વાદિષ્ટ અને ધમધમાટ બટેટાંભૂંગળાં તમે પણ બનાવજો..

બહુ ઓછા મસાલા અને સાધનસામગ્રી સાથે બને છે પણ
સ્વાદમાં લાજવાબ બને છે,,અને ખુબ જ ઝડપી બને છે
કોઈ તૈય્યારી ની જરૂર નથી,,દરેક ઘરમાં હોય તે વસ્તુ થી જ
બની જાય છે....