સૌપ્રથમ એક બાઉલમાં ઘી અને બરફ ના ટુકડા લો અને હાથ ની મદદ થી એકદમ સરસ રીતે ફેટી લો.જયા સુધી ફલફી ના થાય ત્યાં સુધી ફેંટવુ.

હવે તેમાં મેંદો અને ચણા નો લોટ નાખી ઠંડું દૂધ અને પાણી ધીરે ધીરે ઉમેરીને બરાબર મિક્ષ કરી લો.લીબુ નો રસ અને મીઠું નાખી બરાબર મિક્સ કરો.એકદમ પતલુ બેટર તૈયાર કરી લો.

હવે એક તપેલીમાં ઘી ગરમ કરી લો.હવે ચમચા ની મદદ થી ગરમ ઘી માં બેટર રેડતા જવું.ધ્યાન થી કરવું.બેટર રેડતા ની સાથે ઘી ઉપર આવશે.ઉભરો બેસી જાય પછી ફરી થી રેડવું.એવુ દસ થી બાર વાર કરવું.ધીરજ રાખવી.બેટર વચ્ચે ની જગ્યા માં જ નાખવું.ગોલ્ડન બ્રાઉન રંગના તળીને કાઢી લો.

એજ રીતે બીજા તૈયાર કરી લો.ચાસણી માટે એક કડાઈમાં પાણી અને ખાંડ નાખી હલાવી લો.ઇલાયચી પાઉડર નાખી મિડિયમ થીક ચાસણી બનાવી લો.કાજુ બદામ પિસ્તા ની કતરણ કરી લો.

રબડી માટે એક કડાઈમાં દૂધ ને ઉકળવા દો પછી તેમાં ખાંડ, મિલ્ક પાઉડર અને ઇલાયચી પાઉડર નાખી બરાબર હલાવી લો હવે તેને ધીમા તાપે ઉકાળો.દૂધ બળી ને 1/2 થાય એટલે તેમાં કેસર વાળું દૂધ નાખી બરાબર મિક્સ કરો.હવે ઠંડું કરવા માટે મૂકી દો.તેમા રોઝ એસેન્સ અને રોઝ શરબત નાખી બરાબર મિક્સ કરો.રબડી તૈયાર છે.

હવે ઘેવર પર ચાસણી નાખી ઘટ્ટ રબડી નાખી ઉપર કાજુ બદામ પિસ્તા ની કતરણ ભભરાવી દો.

રાજસ્થાની ઘેવર ને રબડી સાથે સર્વ કરો.