એક વાસણ માં ચણાનો ઝીણો લોટ ચાલી લો.

તેમાં મીઠું અને લીંબુ નો રસ અને ખાંડ નાખો.

હવે ધીમે ધીમે પાણી ઉમેરી ને ચમચા થી હલાવો. પાણી એવી રીતે નાખવું કે લોટ નો દોયો એકદમ એક રસ થઈ જાય.લીસો.

હવે આપણે ગેસ ખમણ મૂકવા માટે એક થાળી માં તેલ ચોપડી ને ગરમ કરો(તમે જેમાં પણ ખમણ બનાવો તે વાસણ મૂકો.).

થાળી ગરમ થાય એટલે ચણાના લોટમાં ખાવાનો સોડા ઉમેરી એકદમ હલાવો. અને થાળી માં ઉપર થી ખીરું રેડો. તેની ઉપર હવા બહાર ના નીકળે એમ ઢાંકી દો.૨૦ મિનિટ માટે ઢાંકીને રહેવા દો.

એક વાસણ માં અડધો ગ્લાસ પાણી લઈ ને એમાં ત્રણ ચમચી ખાંડ નાખી હલાવો. પાણી ઓગળી જાય ત્યાં સુધી હલાવો.

ગેસ પર વઘારની માં તેલ ગરમ કરો.તેલ ગરમ થાય એટલે રાઈ નાખો રાઈ ફૂટે ત્યારે લીલાં મરચાં (લાંબા અને જીના સમારેલા)નાખો. મરચાં નાખીને હિંગ નાખો. પછી તે ખાંડ ના પાણી માં રેડી દો.

૨૦ મિનિટ પછી ખમણ તૈયાર થઈ જશે. તેને ગેસ પરથી ઉતારી ને કપા પાડો.(છરી વડે). હવે દરેક કપા માં ચમચી થી વઘારેલું પાણી નાખો.

ખમણ ની કઢી કરવા માટે છાશ માં ચણા ના લોટ ને જેરની થી વલોવી લો.

એક વાસણ માં તેલ ગરમ કરી રાઈ નાખો. રાઈ ફૂટે ત્યારે હિંગ, મીઠો લીમડો નાખી વલોવેલી છાશ ઉમેરો. સ્વાદ પ્રમાણે મીઠું નાખો. એક ઉભરો અાવે એટલે ગેસ બંધ કરી દો.