સૌ પ્રથમ એક કપ સામ્બો અને અડધા કપ સાબુદાણા ને મિક્સર માં નાખી ને દળી લેવું. એનો લોટ તૈયાર કરવો.

ત્યારબાદ એક વાસણ માં અથવા પેન માં ઘીમાં ગેસ ઉપર પાણી ગરમ મૂકવું ઉપર કાઠો અને ડીશ મુકવી. ત્યારબાદ બેટર માં ઇનો ફ્રૂટસૉલ્ટ ઉમેરી એકદમ હલાવી ને નાના વાટકા કે વાટકી માં તેલ લગાવી આ બેટર તેમાં ભરી ને સ્ટીમ કરવા મૂકવું. આમાં થી 6 પાઉં (ઢોકળા) બનશે.

પાઉં સ્ટીમ થઇ જાય બાદ ઠંડા થવા દેવા. પાઉં ઠંડા થાય ત્યાં સુધી એક પેન માં ઘી અથવા તેલ લઇ તેમાં જીરું, જીણા સુધારેલા મરચા, લીમડો, ખમણેલું આદુ બધું નાખી ને બરાબર સાંતળી લેવું. ત્યારપછી બાફેલા અને મેસ કરેલા બટેટા ને તેમાં નાખી ને તેમાં મીઠું, ખાંડ અને થોડી લાલ ચટણી અને લીંબુ નો રસ ઉમેરી તેને બરાબર હલાવી ને ઠંડુ કરવા મૂકવું.

લીલી ચટણી માટે એક મિક્સર જાર માં કોથમીર, મરચા, માંડવીના દાણા, ખાંડ, મીઠું બધું નાખી ને ચટણી બનાવી લેવી.

ત્યારબાદ પાઉં ઠંડા થઇ ગયા હોય તો એને વચ્ચે થી કાપીને બંને બાજુ લીલી ચટણી ચોપડવી ત્યારબાદ તૈયાર કરેલા મસાલા ની ગોળ ટીકી જેવું બનાવી ને એક પાઉં ઉપર મૂકવું ઉપર થોડો ફરાળી ચેવડો અથવા મસાલા દાણા મુકવા પાછો બીજો ચટણી વાળો ભાગ ઉપર મૂકી સરખું બદાવી ને લોઢી ઉપર ઘી અથવા તેલ મૂકી ફરાળી દાબેલી ને બંને બાજુ સેકી લેવી. નીચે ઉતારી ને એક ડીશ માં ચેવડો લઇ ને દાબેલી ને ફરતે જ્યાં બટેટા નો માવો હોય ત્યાં બહાર ગોળ ફેરવી સાઈડ માં ચોંટાડી દેવો. આમ બધા પાઉં તૈયાર કરવા.

બધા પાઉં તૈયાર થઇ જાય એટલે એક ડીશ માં લઇ તેમાં ઉપર ફરાળી ચેવડો અને ચટણી મૂકી ને સર્વ કરવું. તો તૈયાર છે શ્રાવણ મહિના માં અને ઉપવાસ માં લઇ શકાય એવી 'ફરાળીદાબેલી'