સૌ પ્રથમ 1 વાટકી મોરિયો લઇ ધોઈ ને 1 કલાક પલાળી રાખો. ત્યારબાદ તેમાં મીઠું નાંખો. અને મિક્ષર માં નાંખી ઢોસા જેવું ખીરું બનાવી લો. તેને 10 મિનિટ રેસ્ટ આપો.

હવે સ્ટફિંગ માટે બટાકા નું શાક બનાવવા 3 થી 4 નંગ બાફેલા બટાકા લઇ તેને ચોરસ સમારી લો. હવે એક કઢાઈ 2 ચમચી માં તેલ મૂકી ગરમ કરો. ત્યારબાદ જીરું અને લીલા મરચાં અને લીમડાં ના પાન નાંખી હલાવો. હવે તેમાં સમારેલા બટાકા નાંખી મિક્સ કરી લો.

ત્યારબાદ તેમાં સીંગદાણા નો ભૂકો, 1 ચમચી લીંબુ નો રસ તથા ખાંડ અને સ્વાદ અનુસાર મીઠું નાંખી હલાવી લો. હવે સમારેલી કોથમીર નાંખો.

ત્યારબાદ નોનસ્ટિક નું પેન લઇ મીડિયમ ફ્લેમ પર ગરમ કરો. હવે ગોળ ચમચા વડે ખીરું પાથરી ઢોસો બનાવી લો. ઢોસો શેકાય એટલે વચ્ચે બનાવેલું બટાકા નું સ્ટફિંગ 2 ચમચી મૂકી ઢોસા ને વાળી લો.

હવે ઢોસા ને સર્વિંગ પ્લેટ માં કાઢી ગ્રીન ચટણી સાથે ગરમાગરમ સર્વ કરો. લો તૈયાર છે ઉપવાસ માં ખાઈ શકાય તેવી એક નવી રેસીપી ફરાળી stuffed ઢોસા.😋