સૌપ્રથમ સામા ને બે વખત પાણી નાખી બરાબર ધોઈ નાખવો. પછી તેને બે કલાક સુધી પલાળી રાખવો. પછી મિક્સરમાં પાણી નિતારી સામો ક્રસ કરી લેવો. થોડું દહીં ઉમેરો. સહેજ કરકરુ રાખવું.

એક બાઉલમાં રાજગરાનો લોટ અને સામો બંને મિક્સ કરી દેવા. ઢોસાના ખીરા જેવું જ પાતડુ ખીરું તૈયાર કરવું. ૨ કલાક ઢાંકીને રાખી મુકવું.

બટેટાને બાફી તેનો માવો કરવો. એક કડાઈમાં વઘાર માટે તેલ મૂકી એમાં મીઠા લીમડાના પાન અને આદુ મરચાની પેસ્ટ નાખવી. ત્યાર પછી તેમાં સીંગદાણાનો ભૂકો ઉમેવો. થોડી વાર હલાવી તેમાં બટેટાનો માવો મિક્સ કરવો. જરૂર મુજબ મીઠું, હળદર ઉમેરી બરાબર મિક્સ કરવું.

ઢોસાના ખીરામાં સ્વાદમુજબ મીઠુ ઉમેરી બરાબર મિક્સ કરો. હવે નોનસ્ટિક લોઢી માં થોડું તેલ લગાડી ગરમ કરવા મૂકો. ગેસ મીડીયમ રાખવો. હવે લોઢી માં ચમચા વડે ખીરું રેડી પાતળો ઢોસો બનાવવો. ફરતી કોર થોડું તેલ મૂકી ઢોસા ને બ્રાઉન રંગનો થાય ત્યાં સુધી ક્રિસ્પી થવા દેવો.