ગાજર ને સરસ રીતે ધોઈ ને કોરા કરી લો. ઉપર ની છાલ કાઢી લો. અને છીણી થી છીણ પાડી લો. મને બહુ જ જાડું ઝીણ નથી ગમતું એટલે મીડયમ સાઇઝ નું છીણ કર્યું છે.

હવે એ છીણ માં, લીબું નો રસ, મીઠું ઉમેરી બરોબર મીક્ષ કરી ૫ મીનીટ માટે રાખો.

હવે, તેમાં પાણી વળી ગયું હશે. હાથ માં થોડું થોડું છીણ લઈ બંને હાથ થી ખુબ દબાવી બધું પાણી નીચવી લો.

છીણેલું ગાજર સરસ કોરું પડી જશે. આવું કરી ને પરોઠા બનાવશો તો ખુબ જ સરસ બનશે.પાણી બધું નીકળી ગયું હોવાથી પરોઠા વણવામાં પણ બહુ ઈઝી પડસે.

હવે એક પેન માં તેલ લો. તેલ જરા ગરમ થાય એટલે એમાં હીંગ, હળદર, અને લીલાં મરચાં ઉમેરો. બધું સરસ હલાવી લો. હવે તેમાં તલ,ગાજરનું છીણ, જીરું પાઉડર ઉમેરો. બધું મીક્ષ કરી ગરમ મસાલો ઉમેરો.

હવે તેમાં સેકેલો ચણાનો લોટ ઉમેરો. મીઠું જરુર લાગે તો થોડું ઉમેરો. સરસ હલાવી લો. બહુ વાર ગેસ પર નથી રાખવાનું. ૧ મીનીટ જેવું રાખી ગેસ બંધ કરી લો.ઝીણી સમારેલી કોથમીર ભભરાવો. એને બરોબર મીક્ષ કરી બીજા એક બાઉલમાં કાઠી લો. અને હવે એને ઠંડું પડવા દો.

પુરણ ઠંડું પડે ત્યાં સુધી લોટ બાંધી લો. એક બાઉલમાં ઘઉંનો લોટ લો. તેમાં, મીઠું, ઘી નું મોવન, સફેદ મરચું પાઉડર અને જરા અજમો ઉમેરો. બધું સરસ મીક્ષ કરી થોડું થોડું પાણી નાંખી રોટલી નો લોટ હોય એવો લોટ બાંધો. લોટ ને ૧૫ મીનીટ ઠાંકી ને રાખો.

હવે, લોટ નાં લુઆ કરી લો, અને ગાજરનાં છીણ નાં પણ નાના લાડુ વાળી લો. લોટ ની નાની રોટલી જેવું વણો, વચ્ચે પુરણ મુકો અને ચારે બાજુ થી ખુલે ના અ રીતે પુરણ ને એમાં હલકા હાથ થી અંદરની બાજુ ભરી ને બંધ કરી લો.

હવે, હલકા હાથ થી પરોઠું વણી લો.

ગરમ કરેલી લોઢી પર મુકી બંને બાજુ સરસ રીતે સેકી લો. મેં સેકવામાં ઘી યુઝ કર્યું છે. તેનાંથી પરેઠા નો ટેસ્ટ ખુબ જ સરસ આવે એને. જો તમને ગમે તો તમે તેલ તે બટર પણ યુઝ કરી સકો છો.

સરસ ગુલાબી પરેઠું સેકી લો. અને ગરમ ગરમ પરેઠું પીરસો.

આ પરોઠું દહીં જોડે, અથાણાં જોડે, કોથમીર ની ચટણી જોડે કે પછી એકલું ખાવ. ખુબ જ સરસ લાગે છે. આજે મે પરોઠું અથાણાં જોડે પીરસ્યું છે. જોડે એકદમ સોફ્ટ મોં મા ઓગળી જાય એવી સરસ સુખડી..... ચાલો જમવા!!