પૂર્વ તૈયારી: ઉપર દર્શાવેલ તમામ સામગ્રી તૈયાર કરી લેવી.

સૌ પ્રથમ એક નોનસ્ટીક પેન ને ગેસ ઉપર મૂકો અને તેમાં તેલ મૂકો તેલ ગરમ થાય એટલે તેમાં જીરુ નાખો. જીરું તતડે એટલે તેમાં ડુંગળી અને લીલા મરચાં એડ કરી ગોલ્ડન બ્રાઉન થાય ત્યાં સુધી સાંતળવી. ત્યારબાદ તેમાં વટાણા, ગાજર, કાકડી, ત્રણેય કલરના કેપ્સીકમ, પર્પલ કોબી, ટામેટા, લીલા મરચાં એડ કરો અને ધીમા તાપે દસ મિનિટ સુધી એને ગેસ ઉપર હલાવતા રહો. તમામ વેજિટેબલ્સ બરાબર સોતે થઈ જાય એટલે તેને પોટેટો પ્રેશરની મદદથી પ્રેસ કરી દો

હવે આ વેજિટેબલ્સ માં મીઠું,મરચું, ગરમ મસાલો, આમચૂર પાઉડર, ચાટ મસાલા, ધાણાજીરૂ એડ કરો. અને બરાબર મિક્સ કરી લો હવે તેમાં છીણેલું પનીર અને મેશ કરેલા બટાકા એડ કરો. ફરીથી બધું બરાબર મિક્સ કરી લેવું. હવે તેમાં પીઝા સોસ અને ચીલી સોસ એડ કરી ફરીથી બધું મિક્સ કરી લો.

હવે હવે બધા વેજીટેબલ્સ સોતે થઈ જાય એટલે કડાઈ છોડવા માંડશે. હવે તેમાં ધાણા એડ કરી તેને એક પ્લેટમાં મિક્સ કરી લો. ઠંડુ કરવા મુકો અને ઠંડુ પડે એટલે તેમાં બ્રેડ ક્રમ્સ નાખી મિક્સ કરી લો.

હવે તેના નાના ગોળા વાળી લેવા. અને પાણીપુરી માં વચ્ચે હોલ કરી તેમા એક ગોળો મૂકવો. તેમાં ઝીણું સમારેલું સલાડ મૂકવું.

ત્યારબાદ તેની ઉપર થોડું મેયોનીઝ મૂકો.હવે તેની ઉપર ગ્રીન ચટણી અને ટોમેટો કેચપ એડ કરો. હવે તેની ઉપર ચીઝ છીણીને સ્પ્રેડ કરો. અને તેની ઉપર mix herbs સ્પ્રેડ કરો. તૈયાર છે પીઝા પાણીપુરી. તેનો આનંદ ગ્રીન ચટણી ટોમેટો કેચપ સાથે માણી શકાય છે.