સૈા પ્રથમ સ્ટફિંગ માટે એક કડાઈ ગેસ પર ગરમ કરવા મૂકો.તેમાં તેલ ગરમ કરો.તેલ ગરમ થાય એટલે તેમાં મકાઈ,ડુંગળી અને કેપ્સીકમ ઉમેરો.હવે હલાવી ને થોડી વાર સાંતળી લો.ત્યાર બાદ તેમાં પીઝા સોસ,ચીલી ફ્લેક્સ, ઓરેગાનો અને ઇટાલિયન સિઝનીંગ નાખી ને હલાવી લો.

ત્યાર બાદ તેને મિક્સ કરી ને તેમાં ચીઝ ખમણી લો અને સરખું મિક્સ કરી લો.આ રીતે સ્ટફિંગ તૈયાર કરી લો.

ત્યાર બાદ પાણીપુરી લો અને તેમાં વચ્ચે કાણા પાડી લો.ત્યાર બાદ તેમાં થોડું ઠંડું થયેલું સ્ટફિંગ ચમચી ની મદદ થી ભરી લો.તેની ઉપર ચીઝ છીણી લો.

ત્યાર બાદ એક નોનસ્ટિક પેન લો અને તેને ધીમા તાપે ગરમ કરો.ત્યાર બાદ તેમાં તૈયાર કરેલી પૂરી તેમાં ગોઠવી દો.ત્યાર બાદ તેને એક પ્લેટ થી ઢાંકી દો અને ૨-૩ મિનિટ રહેવા દો એટલે ચીઝ ઓગળી જાય.

તો તૈયાર છે એકદમ ટેમ્પિગ અને હોટ ફેવરિટ એવી પીઝા પાણીપુરી.