સૌપ્રથમ એક પેનમાં થોડું બટર ગ્રીસ કરી લઈશું. હવે ત્રણ બેડ મૂકી ને શેકી લઈશું ઉપર થોડું બટર લગાવીને બંને સાઈડથી શેકી લઈશું.

મેં ૪ બ્રેડ શેકી લીધી છે. હવે બ્રેડને આ રીતે ચોરસ ટુકડામાં કાપી લઈ શું. હવે એક પેનમાં 2 ટેબલસ્પૂન બટર ગરમ કરવા મુકો.

બટર ગરમ થઈ જાય પછી એમાં કાપેલી ડુંગળી ઉમેરો અને સાથે આદુ લસણ ની પેસ્ટ પણ ઉમેરો. હવે ડુંગળી બરાબર સંતળાઈ જાય પછી એમાં કેપ્સીકમ અને ટામેટા ઉમેરો અને સાથે થોડું મીઠું ઉમેરી દો.

હવે મરચું, હળદર, ધાણાજીરું અને પાવભાજીનો મસાલો પણ ઉમેરી દો અને બરાબર મિક્સ કરી લો. હવે થોડું પાણી ઉમેરીને હલાવી ને ઢાંકી ને બરાબર ચડવા દો.

ટામેટા બરાબર ચડી જાય પછી પાવભાજી મેશર થી મેશ કરી લો. હવે એમાં કાપેલી બ્રેડના ટુકડા ઉમેરો અને ઉપરથી કોથમીર પણ ભભરાવી દો.

બ્રેડ અને મસાલાને બરાબર મિક્સ કરી લો પછી એને એક સર્વિંગ પ્લેટમાં કાઢી લો હવે ઉપરથી ચીઝ ઉમેરીશું.

હવે ચીઝ મેલ્ટ કરવા માટે એક કઢાઈને પ્રી હીટ કરેલી છે એમાં પ્લેટ મૂકીને ૨ મિનિટ સુધી એને ઢાંકીને ચીઝ મેલ્ટ થવા દઈશું. તમે ઓવનમાં ચીઝ મેલ્ટ કરીને પણ ઉપર એડ કરી શકો છો.