સૌપ્રથમ ચોખા અને અડદની દાળ, ચણાની દાળ અને મગ ની દાળ ધોઈ ને અલગ અલગ બાઉલમાં ચાર થી પાંચ કલાક માટે પલાળી ને રાખવી. પછી તેમાં થી પાણી કાઢી મિકસર જારમા બધું સાથે જ થોડું દરદરુ પીસી લેવું.

ત્યારબાદ પીસાય જાય એટલે તેને બાઉલમાં કાઢી લેવું. હવે તેમાં છીણેલી દૂધી, છીણેલુ ગાજર, સમારેલા લીલા મરચાં, લાલ મરચું પાઉડર, હળદર, આદુ ની પેસ્ટ, દહીં, લીંબુ નો રસ અને મીઠું નાખી મીક્સ કરવું.

ત્યારબાદ ગેસ પર પેન ગરમ કરવા મુકવું. હવે એક વઘારીયા માં તેલ મુકી એમાં રાઈ, જીરું, તલ અને મીઠા લીમડાનાં પાન ઉમેરી ખીરામા થોડો વઘાર કરવુ.અને પછી ગરમ પેનમાં વઘાર ઉમેરી તેમાં ઈનો નાંખી મિક્સ કરેલું ખીરું પાથરી ઢાંકણ ઢાંકી થવા દેવું. ગેસ ની ફલેમ ધીમી રાખવી.

ત્યારબાદ એકબાજુ થઈ જાય એટલે બીજી બાજુ ફેરવી લેવું. અને દસ મિનિટ સુધી થવા દેવું. આ હાંડવો ખુબ જ સરસ ટેસ્ટી અને કિસ્પી લાગે છે. હાંડવા કોઈપણ ચટણી સાથે સવ કરી શકાય છે.