એક કડાઈમાં તેલ નાખી બટેટા અને પનીરને તળી લેવા.

ત્યારબાદ તેજ કડાઈમાં તમાલપત્ર,ઇલાયચી લવિંગ અને કસૂરી મેથી નાખી હલાવો. ત્યારબાદ તેમાં સુધારેલી ડુંગળી નાખી બ્રાઉન થાય ત્યાં સુધી હલાવો પછી તેમાં આદુ લસણની પેસ્ટ નાખી હલાવો

પછી તેમાં હળદર,ચટણી ધાણાજીરું અને જીરુ પાઉડર નાખી હલાવવું.ત્યારબાદ તેમાં ટમેટાનો પલ્પ નાખી ઘટ થાય ત્યાં સુધી હલાવતા રહો પછી તેમાં કાજુની પેસ્ટ નાખી હલાવવું.

ત્યારબાદ એક કપ પાણી અને મીઠું નાખી હલાવો પછી તળેલા બટેટા અને પનીર નાખી મિક્સ કરી કઢાઈને ઢાંકી ને ઉકળવા દો.

હવે તેમાં દહીં અને ખમણેલું પનીર ઉમેરી મિક્સ કરો પછી તેમાં ગરમ મસાલો અને કોથમીર નાખી હલાવો તો તૈયાર છે આપણું શાહી આલુ પનીર શાક.

પરાઠા બનાવવા માટે કથરોટમાં લોટ લઇ મીઠું જીરુ પાણી અને તેલ નાખી લોટ બાંધી લેવો.

ત્યારબાદ લોટના લુવા કરી પરોઠાને વણી લેવા.

ત્યારબાદ લોઢી ને ગરમ કરી વણેલા પરોઠાને તેલ ની મદદથી શેકી લેવા.