સૌપ્રથમ એક કડાઈમાં પાણી નાખી અને ગરમ થવા દો પાણી થોડું ગરમ થયા બાદ તેના અંદર 400 ગ્રામ જેટલી પાલક નાખી દો તેને બાફવા છોડી દો. 2 મિનીટ પછી આ પાલક બફાઈને તૈયાર થઈ જશે પછી તેને એક બાઉલમાં કાઢી તેની પ્યૂરી તૈયાર કરો. અને 100 ગ્રામ જેટલી પાલક આપણે રાખી હતી તેને બારીક સમારી લો.

હવે આપણે ફરીથી એક કડાઈ માં થોડું તેલ નાખીને ગરમ થવા દો તેમાં 2 લવિંગ,1 ચમચી જીરૂ,1/2 ચમચી રાઈ નાખીને સાંતળવા દો. 1 ચમચી આદુ અને મરચાની પેસ્ટ,બારીક સમારેલું લસણ નાખી હલાવી લો. બારીક સમારેલા કાંદા નાખો હવે લસણ અને કાંદા નો રંગ થોડો ગોલ્ડન બ્રાઉન થાય ત્યાં સુધી હલાવતા રહો. તેમાં પાલકની પ્યુરી એડ કરો 2 મિનિટ સુધી તેને હલાવતા રહો હવે તેમાં 1/2 ચમચી હળદર,1ચમચી ધાણાજીરૂ,1 ચમચી ગરમ મસાલો, અને સ્વાદ અનુસાર મીઠું નાખી મિક્સ કરી તેમાં 50 ગ્રામ પનીર ને સેલો ફ્રાય કરી એડ કરો. અને થોડા સમય સુધી થવા દો.

હવે વઘાર માટે વધાર્યુ લઈ તેમાં 1 ચમચી ઘી નાખો ગરમ થયા પછી 1 લાલ સૂકું મરચું,1ચમચી જીરૂ,1 ચમચી તલ,બારીક સમારેલું લસણ નાખી વઘાર કરો ત્યાર પછી જે લસણીયા પાલક આપણે રેડી કરી છે તેના ઉપર નાખી દો.હવે આપણી આ લસણીયા પાલક પનીર ની સબ્જી તૈયાર છે ચાલો, તો સર્વ કરીએ.