સૌ પ્રથમ તુવેરની દાળ, ચણા ની દાળ, મગની મોગર દાળ ને બરાબર ધોઈ 15 - 20 મીનીટ સુધી પલાળી રાખો. ત્યાર બાદ તેમાં મીઠું અને હડદર ઊમેરી કુકર માં પાણી મુકી 3 - 4 સીટી વાગે ત્યા સુધી બાફી દો.

હવે કુકર ઠંડુ પડે ત્યા સુધી એક કઢાઈ મા તેલ ગરમ કરી તેમાં રાઇ, જીરું, સુકા લાલ મરચું, લવિંગ નો વઘાર કરી તેમાં ઝીણી સમારેલી ડુંગળી ઊમેરી હલાવી દો થોડી વાર ચઢવા દો. ડુંગળી ગુલાબી રંગની થાય પછી તેમાં આદુ, મરચાં લસણની પેસ્ટ અને ટામેટા અને મીઠી લીમડી ઊમેરી હલાવી કુક થવા દો.

હવે તેમાંથી તેલ છુટે ત્યા સુધી ચડવા દો. પછી તેમાં એક કપ જેટલું પાણી ઊમેરી તેમાં લાલ મરચું પાઉડર, ધાણા જીરું પાઉડર ઊમેરી હલાવી દો થોડી વાર ઊકડવા દો થોડી. પછી તેમાં બાફેલી દાળ ઊમેરી હલાવી તેમાં ફરી જરૂર મુજબ પાણી ઊમેરી હલાવી દો.

આ દાળ બરાબર ઊકળે ત્યાર બાદ તેને સવિઁગ બાઉલ માં કાઢી સવઁ કરો અને તેના ઊપર લીલા ધાણા વડે સજાવટ કરો.