એક પોટ માં પાણી ગરમ કરવા મુકવું. તેમાં આદુ-મરચાની પેસ્ટ, તલ, હળદર, મીઠું અને ગોળ ઉમેરી બધું બરાબર હલાવી લેવું. હવે તેમાં તુવેર નાં દાણા ઉમેરી દેવા. પાણી ઉકળવા માંડે એટલે ગેસ ધીમો કરી તેમાં બધા લોટ ઉમેરી દેવા.

હવે એક વેલણની મદદથી બધુ બરાબર હલાવી લેવું. લોટ અને મસાલા એકદમ સરસ રીતે મિક્સ થઈ જવા જોઈએ. હવે તેને ઢાંકીને ધીમા તાપે ત્રણથી ચાર મિનિટ સુધી સીજવા દેવું. ગેસ બંધ કરીને દસ મિનિટ ઢાંકી રાખવું. રૂમ ટેમ્પરેચર પર હૂંફાળું થાય ત્યાં સુધી ઠરવા દેવું.

ઢેખરા નું મિશ્રણ ઠરી જાય એટલે એમાં લીલા ધાણા ઉમેરી બરાબર મસળી લેવું. લોટ મસળીને એકદમ મુલાયમ કરી દેવો. હવે હાથ પર તેલ લગાડી એમાંથી નાની ગોળ ટીક્કી બનાવી લેવી. આ રીતે બધી ટીક્કી બનાવીને તૈયાર કરી લેવી.

કડાઈમાં તેલ ગરમ કરવા મૂકવું. તેલ એકદમ ગરમ થાય એટલે એમાં થોડા ઢેખરા ઉમેરીને મીડીયમ થી હાઈ હીટ પર બ્રાઉન કલરના તળી લેવા. આ રીતે બધા ઢેખરા તળી લેવા.