સૌપ્રથમ એક મિક્સર જારમાં કોથમીર,લીલા મરચાં,મીઠું અને તેલ નાખીને ચટણી બનાવી લો

હવે બટાકા ને બાફી ને છાલ ઉતારી ને છીણી લો. એમાં મરચું, મીઠું, હળદર, ધાણાજીરું, આમચુર પાઉડર,ખાંડ નાખી ને મિક્સ કરી લો.

હવે પનીર ની પાતળી સ્લાઈસ કરી તેમા ચીલી ફ્લેક્સ,ઓરેગાનો, મીક્સ હર્બ અને એક ચમચી તેલ નાખી બરાબર મિક્સ કરી ને મૂકી દો.

હવે બે બ્રેડ લઈ બન્ને પર ગ્રીન ચટણી લગાવીને તેની ઉપર બટાકા નો માવો લગાવી દો. હવે એક બ્રેડ પર પનીર ની સ્લાઈસ મૂકી બીજી બ્રેડ મૂકી ને બંધ કરી દો. અને તેના ચાર સરખા ભાગ કરી લો.

હવે એક બાઉલમાં ચણાનો લોટ, મીઠું, મરચું, હળદર, હીંગ, ઝીણી સમારેલી કોથમીર,પાણી નાખી ને મિક્સ કરી લો. ઘટ્ટ ખીરું તૈયાર કરો. હવે તેમાં ઈનો નાંખી ને મિક્સ કરી લો.

હવે એક કડાઈમાં તેલ ગરમ કરો. તેલ ગરમ થાય એટલે તેમાં તૈયાર કરેલા બ્રેડ ને ખીરા માં ડુબાડી ને બરાબર કોટ કરી ને ધીમાં તાપે તળી લો. ગોલ્ડન બ્રાઉન રંગના થાય ત્યાં સુધી તળી લો.

આ પકોડા ને ગરમા ગરમ ચા, ટોમેટો કેચઅપ અને લીલી ચટણી સાથે સર્વ કરો.