એક બાઉલમાં પેરી પેરી મસાલો બનાવવા માટેના બધા ડ્રાય મસાલા માપ પ્રમાણે ભેગા કરી લેવાના છે તેને બરાબર રીતે મિક્સ કરી લઈએ એટલે પેરી પેરી મસાલો બની જશે.

એક કડાઈમાં તેલ ગરમ મૂકી તેમાં સમારેલી ડુંગળી અને સમારેલું લસણ સોતળવાનું છે.

ત્યારબાદ તેમાં સમારેલા ટામેટાં, સમારેલા રેડ, ગ્રીન અને યેલ્લો કેપ્સીકમ ઉમેરી બરાબર રીતે મિક્સ કરવાનું છે.

હવે તેમાં પનીરના નાના ટુકડા અને પેરી પેરી મસાલો ઉમેરી બરાબર રીતે મિક્સ કરી એક મિનિટ માટે કુક થવા દેવાનું છે. વધુ કુક ન થઈ જાય તેનું ધ્યાન રાખવાનું છે વેજિટેબલ્સ ને થોડા ક્રંચી રાખવાના છે. આ મિશ્રણને થોડું ઠંડુ થઈ જવા દેવાનું છે

હવે હોટડોગ ના બનને એક લોઢી પર આગળ પાછળ બંને તરફ બટર લગાવીને શેકી લેવાના છે. ત્યારબાદ તેમાં વચ્ચે કટ કરી તેમાં ગ્રીન ચટણી લગાવવાની છે.

તેના પર ખમણેલું ગાજર અને લાંબી સમારેલી કોબી ઉમેરવાના છે ત્યાર બાદ તેના પર તૈયાર કરેલા મિશ્રણ નું સ્ટફિંગ કરવાનું છે આ રીતે બધા હોટડોગ તૈયાર કરી લેવાના છે.

ગાજર અને કોબીના સલાડ સાથે હોટડોગ ને ચીઝ વડે ગાર્નીશ કરી આ રીતે સર્વ કરી શકાય.