સૌ પ્રથમ લોટ માં ધાબો દેવા માટે 2 ચમચા ઘી ગરમ કરી તેમાં નાખો. અને 2-4 ચમચી દૂધ નાખી બરાબર મિક્સ કરી લેવાનું. એકદમ સરસ રીતે લોટ મિક્સ કરી લો.

હવે એક લોયામા ઘી ગરમ કરી તેમાં લોટ ઉમેરો. અને સરસ રીતે હલાવો પછી જરૂર પડે એ રીતે ઘી ઉમેરાતાં જવાનું.

લોટ નો કલર બ્રાઉન થાય ત્યાં સુધી શેકવાનું પછી તેમાં લોટ શેકાઈ ગયા બાદ તેમાં પાછું 4-5 ચમચી દુધ નાખવાનું. દૂધ નાખ્યા પછી તેમાં ઉભરો આવશે તેનું ધ્યાન રાખવું. દૂધ નાખવાથી અડદિયા કઠણ નહીં થાય અને તેનો કલર પણ સરસ આવે છે.

હવે એકબાજુ એક પેનમાં ચાસણી બનાવો. તેમાં ખાંડ ડૂબે તેટલું પાણી અને કેસર નાખી બરાબર મિક્સ કરી લેવાનું. ચાસણી એકતાર ની કરવાની.

ચાસણી થઈ ગયા પછી તેને શેકેલા લોટ માં મિક્સ કરી લો. પછી તેમા મસાલો નાખી બરાબર હલાવી લો. પછી તેમાં kaju, બદામ અને પિસ્તા ની કતરણ નાખી બરાબર મિક્સ કરી લેવાનું. પછી છેલ્લે ગુંદ નાખવાનો જેથી ગુંદ ભાંગી જાય.

હવે અડદિયા વાળી લો. પછી તેને ગરમ ગરમ પીરસો.