સૌપ્રથમ દરેક સામગ્રી તૈયાર કરી એક કડાઈમાં ઘી ગરમ મૂકો તેમાં જીરૂ, હિંગ નાખો અને આદુ મરચાની પેસ્ટ ઉમેરો સહેજ વાર સાંતળી તેમાં ડુંગળી ની પ્યુરી ઉમેરો. ડુંગળી ની પ્યુરી બરાબર ગુલાબી થાય એટલે તેમાં હળદર,ધાણાજીરૂ ઉમેરી બરાબર મિક્સ કરો અને ટમેટાંની પ્યોરી ઉમેરી અને ઘી છૂટું પડે ત્યાં સુધી સાંતળો.

ગ્રેવી સાંતળીને અને ઘી છૂટું પડે એટલે તેમાં કાજુ ખસખસની પેસ્ટ,ખાંડ, મરચું,સ્વાદ અનુસાર મીઠું ઉમેરો અને બરાબર હલાવો.ત્યારબાદ ક્રમશઃ મલાઈ ખમણેલું પનીર અને પનીરના ટુકડા ઉમેરી બરાબર મિક્સ કરી પાંચથી સાત મિનિટ ચડવા દો.

ત્યારબાદ તેમાં કિચન કિંગ મસાલો અને કસુરી મેથી ઉમેરી બરાબર મિક્સ કરો. ગરમાગરમ મુગલાઈ પનીરને ક્રીમ અને કોથમીર મૂકી ગાર્નિશ કરી તંદૂરી રોટી, પરોઠા સાથે સર્વ કરો.