સૌપ્રથમ સરગવાની સિંગને બરાબર ધોઈ તેના કટકા કરી લેવા

એક કડાઈમાં ૩ ચમચી તેલ મૂકી રાઈ તથા હિંગ મૂકો હવે ચણાનો લોટ ઉમેરી બરાબર શેકી લો

લોટ સેકાઈ જાય એટલે તેમાં આદુ-મરચા-લસણની પેસ્ટ ઉમેરી હાલ બરાબર હલાવી તેમાં પાણી ધીમે ધીમે ઉમેરો લોટમાં ગઠ્ઠા ન પડવા જોઈએ

હવે તેમાં મીઠું હળદર ધાણાજીરૂ તથા દહીં ઉમેરી બરાબર હલાવો અને બાફેલી શીંગ પણ ઉમેરી દો મિશ્રણ થોડું ઘટ્ટ થાય ત્યાં સુધી વચ્ચે-વચ્ચે હલાવતા રહો ઇચ્છો તો એમાં ખાંડ ઉમેરી શકો છો પણ આ શાક થોડુંક ખાટુ સારું લાગે છે તો તૈયાર છે સરગવાની શીંગ નું શાક તેને લીલા ધાણા થી ગાર્નીશ કરી રોટલા રોટલી કે પરોઠા સાથે પીરસો