સૌપ્રથમ પાકો લોટ બનાવવા માટે આ રીતે બધી સામગ્રી તૈયાર કરી એક પેનમાં તેલ અને ઘી નાખી અને ગરમ થાય એટલે મેંદાનો લોટ ઉમેરવો. હવે બધું હલાવી અને મિક્સ કરી આ લોટને ધીમા તાપે શેકવા દેવો. ગાંઠા (Lumps) ન પડી જાય તેનું ધ્યાન રાખવું. લોટ બ્રાઉન રંગનો થઈ જાય ત્યાં સુધી શેકવાનો.

લોટ શેકાઈ જાય પછી તેમાં પાણી ઉમેરી અને સતત એક દિશામાં હલાવતા રહેવું જેથી લોટ નીચે બેસી ન જાય. લોટનું પાણી બધું બળી જાય ત્યાં સુધી હલાવવું પછી ગેસ બંધ કરી આ શીરાને એક પ્લેટમાં પાથરી લેવું અને ઠંડું થવા દેવું.

હવે કાચા લોટ ની બધી સામગ્રી આ રીતે તૈયાર કરી લેવી. કાચો લોટ બાંધવા માટે એક વાસણમાં મેંદાનો લોટ લઇ તેમાં ઘી ઉમેરવું.

પછી તેમાં બધા મસાલા ઉમેરી અને સરસથી મિક્સ કરી લેવું. મુઠ્ઠી પડે તેટલું ઘીનું મોણ લેવું.

હવે પાણી જરૂર મુજબ નાખતા જવું અને લોટ બાંધી લેવો આ લોટ ઢીલો બાંધવો રોટલીના લોટ કરતાં પણ આ લોટ ઢીલો હોય છે. હવે તેમાં જે લોટ આપણે શેકીને રાખ્યો તે પણ ઉમેરી દેવો.

બંને લોટને સરસ થી મિક્સ કરી અને 15 મિનિટ સુધી સાઈડ પર રાખી દેવો. ત્યાં સુધીમાં ખાજલી ને તળવા માટેની તૈયારી કરી લેવી તેના માટે એક કાણા વાડી વસ્તુ લઈ તેની નીચે કોઈ પણ વાસણ રાખવું અને ખાજલી તળાઈ જાય એટલે તેમાં મૂકવી એટલે જેથી તેમાંથી તેલ અને ઘી છૂટું પડીને તેમાં પડ્તું રહે. આ રીતે ખાલી ને ૨૦થી ૨૨ કલાક રાખવી પછી તે ખાવા લાયક થશે.

હવે પંદર મિનિટ પછી આ લોટ માંથી મીડિયમ સાઇઝના લૂઆ કરી લેવા. પછી એક લુઓ લઈ તેને પાટલા પર હાથ વડે પ્રેસ કરી અને ખાજલી બનાવી.

આ રીતે મિડીયમ સાઈઝ ની ખાજલી બનાવી તેમાં વચ્ચે એક આંગળી વળે કાણું પાડી લેવું. કાણું એટલા માટે કે ખાજલી અંદરથી ફૂલીને પોચી ન થઈ જાય પરંતુ ફરસી અને લેયરઝ વાળી થાય. ખાજલી ને બહુ પતલી નહી કરી દેવી નહિતર તેલમાં એ તૂટી જશે.

આ રીતે બધી ખાજલી તૈયાર કરી લેવી.

ખાજલી ને તળવા માટે મિડિયમ ગેસ પર તળવી. ખાજલી થોડી ઉપર આવે પછી ચમચીની મદદથી તેને ફેરવવી ઝારા નો ઉપયોગ ન કરવો નહીતર ખાજલી તૂટી જશે. બંને બાજુ ગોલ્ડન બ્રાઉન થાય ત્યાં સુધી ખાજલી ને તડવી. Tip :- ખાજલી તળતી વખતે તેલના તાપમાન નું ખાસ ધ્યાન રાખવું.

ખાજલી તળાઈ જાય એમ કાણાવાળી વસ્તુ પર મૂકી દેવી. વીસથી બાવીસ કલાક સુધી.

હવે આપણી મસાલા ખાજલી તૈયાર છે તેને ચા સાથે સર્વ કરો અને એન્જોય કરો.