સૌપ્રથમ પાપડ પનીર પતિયાલા શાક બનાવવા માટે સામગ્રી ભેગી કરો.

એક કડાઈમાં તેલ મૂકી તેમાં રાઈ, જીરુ ઉમેરી તળ તળે એટલે હિંગ ઉમેરી અને આદુ મરચાની પેસ્ટ, લસણની પેસ્ટ ઉમેરી સાંતળો અને તેમાં કોબીજ ખમણેલું, ગાજર ખમણેલા, કેપ્સીકમ ઉમેરવા.

કડાઈમાં બધા શાકભાજી ઉમેરીને મસાલા કરવા જેમાં મીઠું,હળદર, મરચા પાઉડર, ધાણાજીરૂ મિક્સ કરી પનીર ઉમેરો.

બીજી એક કડાઈમાં તેલ મૂકી તેમાં જાવંત્રી, હિંગ ઉમેરી અને આદુ મરચાં ની પેસ્ટ, લસણની પેસ્ટ, ડુંગળી ની પ્યુરી ઉમેરો અને ગ્રેવી બદામી રંગ ની થાય એટલે તેમાં ટમેટાંની પ્યુરી ઉમેરો અને મસાલા હળદર, મીઠું, મરચું પાઉડર, ધાણાજીરું અને કીચનકીગ મસાલો ‌ઉમેરવો.

ત્યારબાદ તેમાં કાજુ-મગજતરી ના બી ની પેસ્ટ ઉમેરવી અને પછી તેમાં પનીર, કોબીજ અને ગાજર નું ખમણ ઉમેરવું અને જરુર મુજબ પાણી ઉમેરો અને ગ્રેવી જોઇ એવી ધટ્ટ રાખવી.

પછી લિજ્જત પાપડ લો અને તેને પાણી થી સોફ્ટ કરતા જાવ અને મેંદાની ‌સ્લરી થી કિનારી પર લગાવી અને વચ્ચે સ્ટફિંગ પાથરી અને રોલ કરવા.

પાપડ સ્ટફિંગ રોલ માં થી પૂરણ‌ બહાર ન આવે એવું સ્ટફિંગ ભરી અને પાપડ રોલ ને સેલો ફ્રાય બટર લગાવી નોનસ્ટિક માં કરવું. અને પછી પાપડ રોલ ના પીસ ‌કરવા.

ત્યારબાદ એક બાઉલમાં પાપડ સ્ટફિંગ રોલ મુકવા અને પછી પનીર ‌પતિયાલા ગ્રેવી ઉમેરી અને સર્વ કરવુ.