સૌ પ્રથમ મીક્સ દાળ અને ચોખા ને ૧૫ મિનિટ પલાળી રાખવા બશ શાકભાજી સમારી લેવા.બધી સામગ્રી ભેગી એક જગ્યા એ કરવી.

એક નોનસ્ટિક પેન ને ગેસ પર મૂકી ગેસ ચાલુ કરવો તેમાં તેલ અને ઘી ઉમેરવું ગરમ થાય એટલે તેમાં રાઈ અને જીરું ઉમેરવું તતડે એટલે તેમાં તમાલપત્ર,વઘાર નું મરચું,તજ,લવિંગ અને મરી ઉમેરો.

પછી તેમાં કાજુ,દ્રાક્ષ ઉમેરી હલાવી લો શેકાય એટકે તેમાં સમારેલી ડુંગળી,ફ્લાવર,બટાકા,કેપ્સિકમ, લીલા વટાણા અને સમારેલું ટામેટું ઉમેરી બરાબર હલાવી ૧ મિનિટ સાંતળો પછી તેમાં હીંગ,હળદર,લાલ મરચું પાઉડર અને કિચનકિંગ મસાલો ઉમેરી હલાવી લો.

તેમાં પલાળેલા દાળ અને ચોખા ઉમેરી સ્વાદાનુસાર મીઠું ઉમેરી હલાવી ૫ ૧/૨ કપ પાણી ઉમેરી હલાવી લો.પાણી ખખડે એટલે ઢાંકણ ઢાંકી ને ખીચડી ચઢવા દો વચ્ચે વચ્ચે હલાવતા રહો.૨૫-૩૦ મિનિટ માં ખીચડી ચઢી જશે.

તડકા માટે એક વઘારીયા માં તેલ લઈ ગરમ થાય એટલે તેમાં કાશ્મીરી લાલ મરચું ઉમેરી એ તડકા (વઘાર) ને ખીચડી ઉપર રેડી દો અને ઉપર લીલા ધાણા ભભરાવી દો. એક બાઉલ માં કાઢી તેને ગરમ ગરમ કઢી કે વઘારેલી છાસ સાથે સર્વ કરવી.તો તૈયાર છે મસાલા રજવાડી ખીચડી.જો કુકર માં બનાવવી હોય તો પાણી ખખડે એટલે ઢાંકણ ઢાંકી ને ૩-૪ સીટી વગાડી ગેસ બંધ કરવો.કુકર ઠંડુ પડે એટલે ઢાંકણ ખોલી તેમાં તડકો ઉમેરી હલાવી ને સર્વ કરવી.