સૌથી પહેલા દૂધને ગરમ કરવું. દૂધને ગરમ કર્યા પછી સાતથી આઠ કલાક દૂધને ઠંડુ થવા દેવું. દૂધ ઠંડુ થઈ જાય પછી તેમાં જે ઉપરથી જાડી મલાઈ હોય તે ચમચીની મદદથી કાઢી લેવી અને આ રીતે પાંચથી સાત દિવસ સુધી ની મલાઈ એક મોટા વાસણમાં ભેગી કરવી. આ ભેગી કરેલી મલાઈમાં રોજ 1/2 ચમચી મેરવણ ઉમેરવું.
નોંધ :- મેરવણ ઉમેરવાથી મલાઈ બગડી નથી જતી અને વાસ નથી આવતી અને આ મલાઈને પાંચથી સાત દિવસ સુધી ફ્રિજમાં રાખવી એટલે બગડે નહીં નહીતર ગરમીની ઋતુમાં મલાઈબગડી જાય છે.

પાંચથી સાત દિવસ પછી આ ભેગી કરેલી મલાઈ માં જરૂર મુજબ પાણી ઉમેરી ને ઝરણી ની મદદથી ૫-૭ મિનિટ સુધી વલોવી લેવી એટલે તેમાંથી માખણ ઉપર તરી આવશે.

હવે આ માખણ અને હાથની મદદથી બાઉલમાં કાઢી લેવું. ૧ લીટર દૂધમાંથી આ રીતે બે બાઉલ જેટલું માખણ નીકળશે. તો તૈયાર છે આપણું ઘર નું બનાવેલું ચોખ્ખું માખણ.
નોંધ :- આ બધું માખણ કાઢ્યા પછી તે માખણ વાડી છાશ બની જશે તેનો ઉપયોગ તમે પીવામાં કરી શકો છો.

હવે આ માખણને તપેલામાં ભેગુ કરી અને ગેસ પર ઘી બનાવવા માટે ગરમ કરવા મૂકવું. પહેલા થોડી વાર ગેસ નો તાપ ફાસ રાખવો પછી ધીમા તાપે ઘી થવા દેવું.

પાણી બળી જાય ત્યાં સુધી ધીમા તાપે રાખીને થવા દેવું એટલે તેમાંથી ઘી છૂટું પડી જશે. પછી ગેસ બંધ કરી અને ગરણી ની મદદ થી ઘી ને ગાડી લેવું.

તૈયાર છે આપણું ઘરની મલાઈ માંથી બનાવેલું ચોખ્ખું ઘી અને માખણ.