સૌપ્રથમ ઢોકળા ના માપ પ્રમાણે દાળ-ચોખા બધું મિક્સ કરીને ઘંટીમાં લોટ દળી લો.

હવે જ્યારે ઢોકળા કરવા છે ત્યારે લોટને હુંફાળા ગરમ પાણીમાં દહીં નાખીને પલાળો. આ ખીરુ હવે ૫ થી ૬ કલાક માટે હુંફાળી જગ્યા પર આથો માટે રહેવા દો.

હવે ખીરામાં લાલ મરચું પાઉડર, હળદર ધાણાજીરું, મીઠું, આદુ મરચાની પેસ્ટ, લસણની પેસ્ટ, બારીક સમારેલી કોથમીર ઉમેરી બધું સરસ મિક્સ કરી લેવું. હવે એક મોટા વાટકામાં બેથી ત્રણ ચમચી જેટલું પાણી લઈ તેમાં બે ચમચી જેટલું તેલ નાખી તેને ગરમ કરવા મૂકવું, થોડું ગરમ થાય એટલે હવે તેમાં સંચોરો ઉમેરો. એમાં ઉભરો આવે એટલે હવે તેને ખીરામાં નાંખી દો. પાછું બધું હલાવીને મિક્સ કરી લો.

હવે ઢોકળિયામાં પાણી નાખી ગરમ કરવા મૂકી દેવું, ઢોકળીયાની ડિશમાં તેલ લગાવીને ખીરુ પાથરી ઉપર લાલ મરચું પાઉડર અને કોથમીર ભભરાવી ડીશ ને દસ મિનિટ માટે કુક થવા દો.

૧૦ થી ૧૨ મિનીટ પછી આપણા ગરમ-ગરમ ઢોકળા તૈયાર છે. આ ઢોકળા લસણની ચટણી અને તેલ સાથે ખુબ જ સરસ લાગે છે.