સૌપ્રથમ ચિપ્સ બનાવવા માટેના બટાકા લઇ તેને પાણીથી વોશ કરી તેની છાલ ઉતારી લેવાની છે. ચિપ્સ માટેના બટાકા નવા લેવા ખૂબ જરૂરી છે તો જ ચિપ્સ ક્રિસ્પી બનશે.

આ બટેટાની સ્લાઈઝર વડે સ્લાઈસ કરી લેવાની છે પણ આ સ્લાઈસ એકદમ પાતળી થાય તેનું ખાસ ધ્યાન રાખવાનું છે.

બટેટાની સ્લાઈસને ચોખ્ખા પાણીથી બે વખત વોશ કરી લેવાની છે. પછી આ સ્લાઇસને એક કપડા ઉપર પાથરી કોરી કરી લેવાની છે.

બે ચમચી જેટલું પાણી લઇ તેમાં મીઠું ઓગાળી આ પાણીને કોરી કરેલી સ્લાઈસ પર છાંટી દેવાનું છે.

એક કડાઈમાં તેલ ગરમ મૂકી તેમાં આ સ્લાઈસને તળી લેવાની છે. જેથી બજાર જેવી એકદમ ક્રિસ્પી પોટેટો ચિપ્સ તૈયાર થઈ જશે.