સૌપ્રથમ બદામ અને કાજુ ના ટુકડા કરી લેવા. હવે એક કૂકરમાં ઘી ગરમ કરી તેમાં કાજુ અને બદામ ના ટુકડા ને તળી લેવા. હવે એ જ કુકરમાં ઘઉંના ફાડા અને તજ લવિંગ અને ઇલાયચી ઉમેરી ઘઉંના ફાડાની શેકી લેવા.

ઘઉંના ફાડા શેકાય જાય પછી તેમાં ગરમ પાણી, કેસર અને કિસમીસ ઉમેરી મિક્સ કરી પછી કુકર બંધ કરી ત્રણ સીટી વગાડવી. ઠંડું પડે પછી કુકર ખોલવું.

પછી તેમાં ખાંડ નાખી ગેસ ચાલુ કરવો. સાથે તળેલા કાજુ અને બદામ પણ મિક્સ કરી લેવા. ખાંડનું પાણી બળી અને ઘી છૂટું પડે ત્યાં સુધી સતત હલાવતા રહેવું. પછી ગેસ બંધ કરી દેવો.

હવે તેને સર્વિંગ બાઉલમાં લઈને સર્વ કરવી.