સૌ પ્રથમ બટેટાને ધોઈ છોલીને લાંબી ચીપ્સ કરી લો. તેમાં મીઠુ નાખી હલાવી ચારણીમા છૂટી પાથરી ઢોકળીયામાં વરાળથી ૯૦% જેટલી બાફી લો.

હવે એક બાઉલમાં મેંદો, કોનૅફ્લોર લઈ તેમાં રેડ ચીલી સોસ, મરીનો ભૂકો ને મીઠુ નાખી ભજીયાની જેમ ખીરુ બનાવી લો.

હવે કડાઈમાં તેલ મૂકો. તેલ ગરમ થાય એટલે તેમાં બટેટાની ચીપ્સને ખીરામાં બોળી તેલમાં નાખી સરસ આછી ગુલાબી તળી લો.

હવે એક પેનમાં તેલ લઈ તેમાં બારીક સમારેલુ આદુ અને લસણ નાખો. હવે તેમા ડુંગળી ઊભી મોટી સમારેલી નાખી સાંતળો.

ડુંગળી થોડી ટ્રાન્સપરન્ટ થાય એટલે તેમા કેપ્સિકમની લાંબી ચીરી સમારેલી નાખો. તેમાં ટેસ્ટ મુજબ મીઠુ નાખી હલાવી લો.

હવે એક વાટકીમાં સોયાસોસ, રેડ ચીલી સોસ, ટોમટો કેચઅપ, વિનેગર લઈ સરસ મીકસ કરી લો. કેપ્સિકમ થોડા સંતળાય જાય એટલે તેમાં આ બધા સોસનુ મીશ્રણ નાખી સરસ હલાવી લો.

હવે તેમાં તળેલા બટેટાની ચીપ્સ એડ કરી સરસ મીકસ કરી લો. તેમાં મરીનો ભૂકો તથા લીલી ડુંગળી નાખી હલાવી દો. તો તૈયાર છે ગરમ અને ટેસ્ટી ડ્રેગન પોટેટો.